இந்தநாள் உங்களுக்கு எப்படி?- 12 ராசிகளுக்கும் உரிய பலன்கள்

மேஷம்: பேச்சில் கம்பீரம் பிறக்கும். அனுபவ அறிவைப் பயன்படுத்தி காரியங்களை சாதிப்பீர்கள். உங்களிடம் ஏற்பட்டுள்ள திடீர் மாற்றத்தைக் கண்டு குடும்பத்தினர் அதிசயிப்பார்கள்.

ரிஷபம்: தைரியமாக சில முக்கிய முடிவுகள் எடுப்பீர்கள். நண்பர்கள் உதவிகரமாக இருப்பார்கள். மனோபலம் அதிகரிக்கும். அழகு, ஆரோக்கியம் கூடும். திடீர் பயணம் ஏற்படக் கூடும்.

மிதுனம்: வீடு, வாகன பராமரிப்பு செலவுகள் அதிகரிக்கும். விலை உயர்ந்த பொருட்களை கவனமாக கையாளுங்கள். நண்பர்களிடம் அதிக உரிமை எடுத்துக் கொள்ள வேண்டாம்.

கடகம்: எவ்வளவு பிரச்சினைகள் வந்தாலும் எதிர்கொள்ளும் மனப்பக்குவம் கிடைக்கும். நல்லவர்களின் ஆதரவாலும், ஆலோசனையாலும் சிக்கல்களை எல்லாம் முறியடித்து வெற்றி காண்பீர்கள்.

சிம்மம்: தள்ளிப்போன விஷயங்கள் உடனே முடியும். வீடு, மனை வாங்குவதற்கு முன் பணம் தருவீர்கள். நீண்ட நாட்களாக இருந்துவந்த சொத்து பிரச்சினை, வழக்குகள் முடிவுக்கு வரும்.

கன்னி: அடிமனதில் இருந்துவந்த பய உணர்வு நீங்கும். தடைகள் விலகும். சாதிக்க வேண்டுமென்ற எண்ணம் வரும். அதற்கு தகுந்தாற்போல விஐபிகளும் பக்கபலமாக இருப்பார்கள்.

துலாம்: பால்ய நண்பரின் சந்திப்பால் உற்சாகமடைவீர்கள். சொந்தபந்தங்களின் சுய ரூபத்தை தெரிந்து கொண்டு அதற்கேற்ப செயல்படுவீர்கள். எதிர்பார்த்த தொகை கைக்கு வரும்.

விருச்சிகம்: சகோதரர் வகையில் தக்கசமயத்தில் உதவிகள் கிடைக்கும். தள்ளிப்போன திருமண காரியங்கள் கூடி வரும். பழைய இடத்தை விற்று புது வீடு வாங்குவீர்கள்.

தனுசு: உங்கள் பேச்சில் புத்திசாலித்தனம் வெளிப்படும். இழுபறியாக இருந்த தொகை வரும். புத்துணர்ச்சியுடன் காணப்படுவீர்கள். எதையும் பொறுமையுடன் கையாள்வீர்கள்.

மகரம்: யாருக்கும், எதற்காகவும் உறுதிமொழி தரவேண்டாம். சொந்த ஊர் விஷயங்களை முன்னின்று நடத்துவீர்கள். ஆனாலும் சிலர் உங்களைக் குறைகூறிக் கொண்டிருப்பர்.

கும்பம்: அரசு அதிகாரிகள் உதவிகரமாக இருப்பார்கள். திடீர் பயணங்கள் வரும். புண்ணிய தலங்களுக்கு குடும்பத்துடன் சென்று பிரார்த்தனைகளை நிறைவேற்றுவீர்கள்.

மீனம்: தன்னம்பிக்கை பிறக்கும். குலதெய்வப் பிரார்த்தனையை நிறைவேற்றுவீர்கள். கணவன் - மனைவிக்குள் அன்யோன்யம் அதிகரிக்கும். தாயாரின் ஆதரவு கிடைக்கும்.