Published : 06 Jul 2020 04:53 PM
Last Updated : 06 Jul 2020 04:53 PM

பூரட்டாதி, உத்திரட்டாதி, ரேவதி;  வார நட்சத்திர பலன்கள் - (ஜூலை 6 முதல் 12 வரை) 


‘சொல்வாக்கு ஜோதிடர்’ ஜெயம் சரவணன்


பூரட்டாதி -
நினைத்த காரியத்தை நினைத்தபடி செய்து முடிப்பீர்கள்.
மனதில் புதிய நம்பிக்கையும் தைரியமும் பிறக்கும். இதுவரை தாமதப்பட்டு வந்த வேலைகள் அனைத்தையும் இனி சுறுசுறுப்பாக செய்து முடிப்பீர்கள்.
குடும்பத்திலிருந்த பிரச்சினைகள் முற்றிலுமாக விலகும். ஆரோக்கியத்தில் முன்னேற்றம் ஏற்படும். குழந்தைகளின் மருத்துவச் செலவு வெகுவாகக் குறையும்.
திருமணம் ஆகாதவர்களுக்கு திருமணம் நடக்கும். திருமணமான தம்பதியினருக்கு புத்திர பாக்கியம் உருவாகும்.
வேலையில் கூடுதல் பொறுப்புகள் மற்றும் எதிர்பாராத சலுகைகள் கிடைக்கும், தொழில் முன்னேற்றம் இருக்கும். புதிய தொழில் வாய்ப்புகள் கிடைக்கும். வியாபாரத்தில் எதிர்பாராத லாபம் கிடைக்கும். புதிய முயற்சிகளில் ஈடுபட்டு வெற்றிகரமாக செயல்படுத்துவீர்கள்.
பெண்களுக்கு மனம் மகிழும் சம்பவங்கள் நடக்கும். திருமணம் தொடர்பான முயற்சிகள் சாதகமாக இருக்கும். திருமணத் தேதி் உறுதி்செய்யப்படும். மாணவர்கள் கல்வியில் ஆர்வம் காட்டுவார்கள். கலைஞர்களுக்குத் தேவையான உதவிகள் நண்பர்களால் கிடைக்கும்.

இந்த வாரம் -

திங்கள் -
நிதானமாக செயல்பட வேண்டிய நாள். அலுவலகப் பணியில் கவனமாக இருங்கள். சகோதரர்களிடம் சண்டை சச்சரவுகள் வேண்டாம். குடும்பத்தினர் ஆலோசனையைக் கேளுங்கள். ஆதாயம் தரக்கூடிய பயணமாக இருந்தாலும் தவிர்க்க வேண்டும்.

செவ்வாய் -
எண்ணங்கள் அனைத்தும் செயல் வடிவமாகும். முயற்சிகள் முழு வெற்றி தரும். புதிய வாய்ப்புகள் தேடி வரும். குடும்ப ஒற்றுமை நீடிக்கும். தொழில் மற்றும் வியாபாரம் தொடர்பாக எடுத்துக் கொள்ளும் முயற்சிகளில் முன்னேற்றம் ஏற்படும். அரசு உதவிகளும் சலுகைகளும் இன்று கிடைக்கப் பெறுவீர்கள்.

புதன் -
வரவும் செலவும் சமமாக இருக்கக்கூடிய நாள். பெரிய அளவிலான முன்னேற்றம் ஏதும் இருக்காது, அதே சமயம் பெரிய பின்னடைவுகளும் இருக்காது. தொழில் மற்றும் வியாபாரத்தில் நிதானம் தேவை. பணத்தைக் கையாளும்போது கவனமாக இருக்க வேண்டும். பயணங்களில் கவனமாக இருப்பது நல்லது.

வியாழன் -
தொழில் தொடர்பாக எதிர்பார்த்த வங்கிக் கடன் கிடைக்கும். வியாபார வளர்ச்சி சீராக இருக்கும் வியாபாரத்தில் எதிர்பார்த்த லாபம் கிடைக்கும். அலுவலகத்தில் எதிர்பார்த்த சலுகைகள் கிடைக்கும். நீண்ட நாளாக முயற்சி செய்து கொண்டிருந்த காரியம் இன்று சுமுகமான முடிவுக்கு வரும்.

வெள்ளி -
எந்த விஷயத்தையும் பொறுமையாக கையாளவேண்டும். அவசர முடிவுகள் எடுக்க வேண்டாம். நிதானத்தை இழக்காமல் இருக்க வேண்டும். அலுவலக வேலைகளிலும் கவனமாக இருக்க வேண்டும். தொழில் தொடர்பான விஷயங்களில் அதிக எச்சரிக்கையும் கூடுதல் கவனமும் தேவை. வியாபாரிகள் தங்கள் வியாபாரத்தில் அதிக கவனமும் பொறுமையாகவும் இருக்க வேண்டும்.

சனி -
தொலைபேசி வழித் தகவல் மனதுக்கு நிறைவைத் தரும். எதிர்பார்த்த நன்மைகள் நடக்கும். பணத்தேவைகள் பூர்த்தியாகும். உங்களுடைய பணத் தேவைகள் அனைத்தும் பூர்த்தியாகும். ஒரு சிலருக்கு எதிர்பாராத விதமாக தன லாபம் தரக்கூடிய வியாபார விஷயங்கள் நடக்கும்.

ஞாயிறு -
அதிக நன்மைகள் நடைபெறும் நாள். உதவிகள் தேடி வரும். பணவரவு தாராளமாக இருக்கும் தொழில் மற்றும் வியாபாரத்தில் நல்ல வளர்ச்சியும் முன்னேற்றமும் ஏற்படும். குடும்பத்தினர் தேவைகள் பூர்த்தியாகும். திருமணம் உள்ளிட்ட முக்கியமான விஷயங்கள் இன்று பேசி முடிவு எடுக்கும் வாய்ப்பு உள்ளது.

வணங்க வேண்டிய தெய்வம் -
முருகப் பெருமானை மனதில் நினைத்து வணங்குங்கள். நன்மைகள் அதிகமாகும். தேவைகள் பூர்த்தியாகும்.
****************************


உத்திரட்டாதி -
சுறுசுறுப்பாக பணியாற்றி எடுத்துக்கொண்ட வேலைகள் அனைத்தையும் செய்து முடிப்பீர்கள்.
மன நிறைவைத் தரக் கூடிய வாரமாக இருக்கும். மனதில் இருந்த அச்ச உணர்வுகள் முழுமையாக விலகும்.
குடும்பப் பிரச்சினைகள் அனைத்தும் தீரும். தொழில் தொடர்பாக தேவையான உதவிகள் அனைத்தும் கிடைக்கும். தொழில் வளர்ச்சி சீராக இருக்கும்.
வியாபாரத்தில் இதுவரை இருந்த மந்த நிலை மாறி வியாபாரத்தில் முன்னேற்றம் ஏற்படும். பெண்களுக்கு தங்கள் தேவைகள் அனைத்தும் பூர்த்தியாவதைக் கண்டு மகிழ்ச்சி அடைவார்கள். சுபகாரிய விசேஷங்களில் பெண்கள் ஆர்வம் காட்டுவார்கள்.
மாணவர்கள் கல்வியில் நல்ல முன்னேற்றம் ஏற்படும். கலைஞர்களுக்கு தேவையான உதவிகள் கிடைக்கும். நல்ல வாய்ப்புகளும் கிடைக்கும் வாய்ப்பு உள்ளது.

இந்த வாரம் -

திங்கள் -
பணவரவு தாராளமாக இருக்கும். எடுக்கும் முயற்சிகளில் இரட்டிப்பு லாபம் கிடைக்கும். தொழில் தொடர்பாக அரசு உதவிகள் கிடைக்கும். வியாபார வளர்ச்சி அமோகமாக இருக்கும். புதிய யுத்திகளைக் கையாண்டு வியாபாரத்தில் முன்னேற்றம் காண்பார்கள். தகவல் தொழில்நுட்பத் துறையில் பணிபுரிபவர்களுக்கு வேலையிலிருந்து அழுத்தம் குறைந்து மனநிம்மதி ஏற்படும். குடும்பத்தினர் தேவைகள் அனைத்தும் பூர்த்தியாகும். பணவரவு எதிர்பார்த்தபடியே இருக்கும்.

செவ்வாய் -
கோபத்தை கட்டுப்படுத்த வேண்டும். தேவையில்லாத விஷயங்களில் தலையிடாமல் இருப்பது நல்லது. அடுத்தவர் விஷயங்களில் தலையிட வேண்டாம். திடீர் செலவுகள் ஏற்படும் வாய்ப்பு உள்ளது.

புதன் -
சொத்து தொடர்பான பிரச்சினைகள் முடிவுக்கு வரும். அலுவலகத்தில் இருந்து வரவேண்டிய சலுகைகள் கிடைக்கும். பண வரவு தாராளமாக இருக்கும். வியாபார வளர்ச்சி அமோகமாக இருக்கும். தொழில் தொடர்பாக முன்னேற்றமும், தேவையான உதவிகளும் கிடைக்கும். குடும்பத்திற்குத் தேவையான ஒரு சில அத்தியாவசிய பொருட்களை இன்று வாங்குவீர்கள். சகோதரர்களுடன் ஏற்பட்டு இருந்த மனக்கசப்புகள் நீங்கி ஒற்றுமை ஏற்படும்.

வியாழன் -
மனநிறைவு தரும்படியான காரியங்களை செய்து மன மகிழ்ச்சி அடைவீர்கள். குழந்தைகளுக்கு தேவையானவைகள், கல்வி தொடர்பான விஷயங்கள் அனைத்தையும் செய்து தருவீர்கள். அலுவலக வேலைகளில் சக ஊழியர்களுக்கு உதவி செய்வீர்கள். வியாபாரத்தில் நிதானமான வளர்ச்சியும் லாபமும் இருக்கும்.

வெள்ளி -
வியாபாரத்தில் நல்ல வளர்ச்சியும் முன்னேற்றமும் ஏற்படும். தொழில் தொடர்பாக எதிர்பார்த்த உதவிகள் அனைத்தும் கிடைக்கும். வங்கிக் கடன் பிரச்சினை ஒன்று முடிவுக்கு வந்து புதிய கடன் பெறும் வாய்ப்பு உள்ளது. திருமண வயதில் பிள்ளைகள் இருந்தால் அவர்களின் திருமணம் தொடர்பான விஷயங்கள் முடிவாகும்.

சனி -
பொறுமை, நிதானம் தேவை. எந்த முடிவுகளையும் உடனுக்குடன் எடுக்க வேண்டாம். நிதானமாக சிந்தித்து அல்லது ஆலோசனை செய்து முடிவுகளை எடுக்க வேண்டும். திடீர் செலவுகள் ஏற்படும் வாய்ப்பு உள்ளது. குறிப்பாக மருத்துவச் செலவு ஏற்படும் வாய்ப்பு உள்ளது. பயணங்களைத் தவிர்க்க வேண்டும்.

ஞாயிறு -
நீண்ட நாளாக எதிர்பார்த்த உதவி இன்று தானாக தேடி வரும். தொலைபேசி வழித் தகவல் உற்சாகத்தை தரும். நண்பர்களாலும் உறவினர்களாலும் உதவிகள் கிடைக்கப் பெறுவீர்கள். குடும்பத்தாரின் தேவைகளை பூர்த்தி செய்துவிடுவீர்கள். அலுவல் விஷயமாக தாமதப்பட்டுக் கொண்டிருந்த ஒரு சில பிரச்சினைகள் இன்று முடிவுக்கு வரும்.

வணங்க வேண்டிய தெய்வம் -
சிவதரிசனம் செய்யுங்கள். சிவபெருமானுக்கு வில்வ இலைகளால் அர்ச்சனை செய்வது சிறப்பான பலன்கள் கிடைக்கும்.
***************************


ரேவதி -
மனம் மகிழும் சம்பவங்கள் நடைபெறும் வாரம்.
ஆரோக்கியத்தில் இருந்த அச்சுறுத்தல் விலகும். ஆரோக்கியம் மேம்படும். குழப்பமான மனநிலைகளில் இருந்து இப்போது வெளிவருவீர்கள். குடும்பத்தில் இருந்த ஒரு சில பிரச்சினைகளும் இப்பொழுது முடிவுக்கு வரும்.
சண்டைச் சச்சரவுகள் அனைத்தும் இப்போது சமாதானம் ஆகும். தொழில் தொடர்பாக நல்ல தகவல்களும் முன்னேற்றமும் உண்டாகும். வியாபார வளர்ச்சி அமோகமாக இருக்கும். குடும்ப பிரச்சினைகள் அனைத்தும் தீரும்.
குடும்பத் தேவைகள் உடனுக்குடன் பூர்த்தியாகும். பெண்களுக்கு தேவையான உதவிகள் கிடைக்கும். சகோதர வழியில் இருந்து எதிர்பாராத உதவிகள் கிடைக்கப் பெறுவீர்கள். மாணவர்களுக்கு கல்வியில் சீரான வளர்ச்சியும் முன்னேற்றமும் ஏற்படும். கலைஞர்களுக்கு நல்ல வாய்ப்புகள் கிடைக்கும், பணவரவும் உண்டு.

இந்த வாரம் -

திங்கள் -
தேவையான உதவிகள் தேடி வரும். அலுவலகத்தில் இருந்து வரவேண்டிய சலுகைகள் கிடைக்கும். தொழில் மற்றும் வியாபாரம் சீரான வளர்ச்சியில் இருக்கும். நீண்டநாளாக தொடர்பில் இல்லாத நண்பர் இன்று தொடர்பு கொள்வார். மாணவர்களுக்கு கல்வி தொடர்பான உதவிகள் கிடைக்கும். கலைத்துறையினருக்கு புதிய வாய்ப்புகள் தொடர்பான தகவல் உறுதியாகும்.

செவ்வாய் -
புதிதாக தொழில் தொடங்குவது அல்லது வியாபாரம் தொடங்குவது போன்ற சிந்தனைகள் உருவாகும். குடும்பத்தினரின் ஒத்துழைப்பு கிடைக்கும். குடும்பத்தினருடைய தேவைகள் அனைத்தையும் பூர்த்தி செய்து தருவீர்கள்.

புதன் -
தேவைகள் உடனுக்குடன் பூர்த்தியாகும். எதிர்பார்த்த பணவரவு கிடைக்கும். தொழில் மற்றும் வியாபாரத்தில் அமோகமாக லாபம் ஏற்படும். விருப்பங்கள் அனைத்தும் நிறைவேறக்கூடிய நாளாக இருக்கும். நண்பர்களாலும் உறவினர்களாலும் ஆதாயம் அடைவீர்கள். தொழில் தொடர்பாக எதிர்பார்த்த உதவிகள் கிடைக்கும். குடும்பத்தில் மகிழ்ச்சி நிலவும். சுபகாரிய விஷயங்கள் பற்றிய தகவல் இன்று கிடைக்கும்.

வியாழன் -
பணிச்சுமை அதிகரிக்கும். வேலையில் நிறைய அழுத்தங்கள் ஏற்படும். பரபரப்பாக இயங்குவீர்கள். பயணங்களைத் தவிர்க்க வேண்டும். கோபத்தைக் கட்டுப்படுத்த வேண்டும். உணர்ச்சிவசப்பட்டு எந்த முடிவுகளையும் எடுக்க வேண்டாம்.

வெள்ளி -
நீண்ட நாளாக எதிர்பார்த்த பணம் இன்று கைக்கு வந்து சேரும். ஆதாயம் அதிகமாக ஏற்படக்கூடிய நாள். உத்தியோகத்தில் முடிக்காமல் இருந்த வேலைகள் அனைத்தும் இன்று செய்து முடிப்பீர்கள். தொழில் தொடர்பாக உதவிகள் கிடைக்கும். தொழில் வளர்ச்சி உண்டாகும். வியாபாரிகளுக்கு வியாபாரத்தில் லாபம் கிடைக்கப் பெறுவார்கள். சொத்து சம்பந்தமான பிரச்சினைகள் முடிவுக்கு வரும். ஆரோக்கியத்தில் இருந்த சிறுசிறு பிரச்சினைகளும் இன்று முழுமையாக விலகும்.


சனி -
அலுவலகத்தில் சக ஊழியர்களின் வேலைகளைச் செய்ய வேண்டிய நிர்ப்பந்தம் ஏற்படும். உறவினர்களுக்கும், நண்பர்களுக்கும் ஒரு சில உதவிகளைச் செய்து தருவீர்கள். குடும்பத்தினர் ஒத்துழைப்பால் மகிழ்ச்சி அடைவீர்கள். வியாபார விஷயமாக சிறு தூரப் பயணம் ஒன்று ஏற்படும்.

ஞாயிறு -
வியாபாரத்தில் வரவேண்டிய பாக்கிகள் வசூலாகும். கடன் பிரச்சினைகள் கட்டுக்குள் இருக்கும். ஆரோக்கியத்தில் முன்னேற்றம் ஏற்படும். தந்தையின் உடல்நலத்தில் முன்னேற்றம் ஏற்பட்டு மகிழ்ச்சி ஏற்படும். எதிர்பார்த்த பண உதவி கிடைக்கும். அதிக நன்மைகள் நடைபெறும் நாள். குடும்பத்தினர் தேவைகள் அனைத்தையும் பூர்த்தி செய்து தருவீர்கள்.

வணங்க வேண்டிய தெய்வம் -
மகா விஷ்ணுவை வழிபாடு செய்யுங்கள். விஷ்ணு சஹஸ்ரநாமம் கேளுங்கள். நன்மைகள் அதிகமாகும். மனதில் நம்பிக்கை பிறக்கும். சிறப்பான வாரமாக இருக்கும்.
***************************

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

FOLLOW US

தவறவிடாதீர்!

Sign up to receive our newsletter in your inbox every day!

WRITE A COMMENT
 
x