Published : 28 Jun 2020 06:55 AM
Last Updated : 28 Jun 2020 06:55 AM

இந்தநாள் உங்களுக்கு எப்படி?- 12 ராசிகளுக்கும் உரிய பலன்கள்

மேஷம்: விடாப்பிடியாக செயல்பட்டு காரியங்களில் வெற்றி பெறுவீர்கள். கணவன் - மனைவிக்குள் மனம்விட்டு பேசுவீர்கள். சகோதரர் வகையில் நன்மை கிட்டும். பணவரவு திருப்தி தரும்.

ரிஷபம்: பேச்சில் கம்பீரம் பிறக்கும். முன்கோபம், அலைச்சல் விலகி மனதில் நிம்மதி கிட்டும். குடும்பத்தில் மகிழ்ச்சிகரமான சூழல் நிலவும். தந்தைவழி உறவினரால் ஆதாயம் உண்டு.

மிதுனம்: குடும்பத்தினரின் எண்ணங்களை பூர்த்தி செய்ய வேண்டும் என்று நினைப்பீர்கள். பிள்ளைகளின் உடல்நிலை சீராகும். பிரார்த்தனைகள் குடும்பத்துடன் சென்று நிறைவேற்றுவீர்கள்.

கடகம்: நீண்டநாளாக மனதில் இருந்துவந்த குழப்பங்களுக்கு தீர்வு கிடைக்கும். விருந்தினர்களின் வருகை உண்டு. பிள்ளைகளின் எண்ணங்களை நிறைவேற்றுவீர்கள். கலைப்பொருட்கள் சேரும்.

சிம்மம்: காரியங்களை முடிப்பதில் இருந்த தடுமாற்ற நிலை மாறும். குடும்பத்தில் மகிழ்ச்சி தங்கும். பிள்ளைகள் பொறுப்பாக நடந்துக் கொள்வார்கள். ஆடை, ஆபரணங்கள் வாங்குவீர்கள்.

கன்னி: வேலைச்சுமை இருந்து கொண்டேயிருப்பதாக ஆதங்கப்படுவீர்கள். வீட்டிலும், வெளியிலும் மற்றவரை அனுசரித்து செல்லுங்கள். உறவினர் சிலர் உதவி கேட்டு தொந்தரவு தருவார்கள்.

துலாம்: சில காரியங்களை அலைந்து, திரிந்து முடிக்க வேண்டி வரும். பிள்ளைகளால் எதிர்பாராத செலவுகள் இருக்கும். யாருக்காகவும் ஜாமீன் தரவோ, உத்தரவாதக் கையெழுத்திடவோ வேண்டாம்.

விருச்சிகம்: புத்துணர்ச்சியுடன் காணப்படுவீர்கள். ஆடம்பர செலவுகளை தவிர்த்து சேமிக்க வேண்டும் என்ற எண்ணம் வரும். கணவன் - மனைவிக்குள் அன்யோன்யம் அதிகரிக்கும்.

தனுசு: பிள்ளைகளால் உறவினர்கள் மத்தியில் மதிக்கப்படுவீர்கள். அடுத்தடுத்து செலவுகள் வந்தாலும் சுலபமாக சமாளிப்பீர்கள். கணவன் - மனைவிக்குள் நிலவிய பனிப்போர் நீங்கும்.

மகரம்: புது முயற்சிகளில் வெற்றி கிட்டும். குடும்பத்தில் குதூகலம் நிலவும். பால்ய நண்பர்களைச் சந்திப்பீர்கள். வெளிவட்டாரத்தில் மதிக்கப்படுவீர்கள். பணவரவு உண்டு.

கும்பம்: உணர்ச்சி வேகத்தில் முடிவுகள் எடுக்காதீர்கள். குடும்பத்தாரின் விருப்பத்தை நிறைவேற்ற போராட வேண்டியிருக்கும். எதிர்மறை எண்ணம் தோன்றும். வாகனம் செலவு வைக்கும்.

மீனம்: நீண்ட நாட்களாக எதிர்பார்த்திருந்த நல்ல செய்திகள் வந்து சேரும். கணவன் - மனைவிக்குள் அன்யோன்யம் அதிகரிக்கும். உடன்பிறந்தவர்கள் தக்க சமயத்தில் உதவுவார்கள்.

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

FOLLOW US

தவறவிடாதீர்!

Sign up to receive our newsletter in your inbox every day!

WRITE A COMMENT
 
x