இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: வீடு, மனை வாங்குவது குறித்து குடும்பத்தினருடன் ஆலோசிப்பீர்கள். தாய்வழி உறவுகளால் மனக்கசப்புகள் ஏற்படலாம். பயணங்களால் அலைச்சல் இருந்தாலும் ஆதாயம் உண்டு.

ரிஷபம்: பிரச்சினைகளை எதிர்கொள்ளும் தைரியம் பிறக்கும். தோல்வி பயம் நீங்கும். சகோதரி உதவுவார். பழைய கடனை பைசல் செய்வீர்கள். திடீர் பயணம் ஏற்படக் கூடும்.

மிதுனம்: குடும்பத்தாரின் விருப்பங்களை நிறைவேற்றுவீர்கள். கணவன் - மனைவிக்குள் இருந்துவந்த மனக்கசப்புகள் நீங்கும். பணவரவு திருப்திகரமாக இருக்கும். வாகனம் செலவு வைக்கும்.

கடகம்: முன்கோபம் அதிகரிக்கும். கடந்த காலத்தில் இழந்த நல்ல வாய்ப்புகளை நினைத்து அவ்வப்போது வருந்துவீர்கள். யாருக்கும் உறுதிமொழியோ, உத்தரவாதமோ கொடுக்க வேண்டாம்.

சிம்மம்: நெருங்கிய நண்பர் ஒருவரின் நட்பை இழக்க நேரிடும். வழக்குகளில் எச்சரிக்கையாக இருங்கள். அரசு சம்பந்தப்பட்ட காரியங்களில் சிறுசிறு தடைகள், தாமதங்கள் ஏற்படக்கூடும்.

கன்னி: குடும்பத்தில் உங்கள் கை ஓங்கும். புதிய திட்டங்கள் மளமளவென்று நிறைவேறும். உங்களுடைய பலம், பலவீனங்களை உணர்ந்து அதற்கேற்ப செயல்படத் தொடங்குவீர்கள்.

துலாம்: பிள்ளைகளால் சமூகத்தில் அந்தஸ்து உயரும். மகளின் திருமணத்தை ஊர் மெச்சும்படி சிறப்பாக நடத்துவீர்கள். கணவன் - மனைவி இடையே அன்யோன்யம் அதிகரிக்கும்.

விருச்சிகம்: பணவரவு திருப்திகரமாக இருக்கும். பழைய கடனை பைசல் செய்ய வழி பிறக்கும். குடும்பத்தில் கூச்சல், குழப்பம் நீங்கி கலகலப்பான சூழல் உருவாகும். கலைப்பொருட்கள் சேரும்.

தனுசு: வாகனத்தில் அதிக வேகம் வேண்டாம். உங்கள் சக்தி மீறி எந்தவித உறுதிமொழியோ, உத்தரவாதமோ யாருக்கும் தர வேண்டாம். எதிர்பாராத கூடுதல் செலவுகளால் திணறுவீர்கள்.

மகரம்: சமயோசித புத்தியால் பல காரியங்களையும் முடித்துக் காட்டுவீர்கள். எதார்த்தமாகவும், சாமர்த்தியமாகவும் பேசி எல்லோரையும் கவர்ந்து விடுவீர்கள். பணவரவு திருப்தி தரும்.

கும்பம்: பழைய வழக்கில் நல்ல தீர்ப்பு கிடைக்கும். கடந்த காலத்தில் உங்களுக்கு எதிராக செயல்பட்டவர்கள் இப்போது ஆதரவாக நெருங்கிவர வாய்ப்பிருக்கிறது. கலைப்பொருட்கள் சேரும்.

மீனம்: முன்கோபம் நீங்கும். நேர்மறை எண்ணங்கள் பிறக்கும். பிள்ளைகளின் நலனில் அதிக அக்கறை காட்டுவீர்கள். நீங்கள் பார்க்க நினைத்திருந்த நபர் உங்களைத் தேடி வருவார்.