இந்த வாரம் இப்படித்தான்; வார நட்சத்திரப் பலன்கள் (பிப்ரவரி 24 முதல் மார்ச் 1 வரை),  - ரோகிணி, மிருகசீரிடம், திருவாதிரை, - 'சொல்வாக்கு ஜோதிடர்’ ஜெயம் சரவணன்

இந்த வாரம் இப்படித்தான்; வார நட்சத்திரப் பலன்கள் (பிப்ரவரி 24 முதல் மார்ச் 1 வரை)
- ரோகிணி, மிருகசீரிடம், திருவாதிரை

- 'சொல்வாக்கு ஜோதிடர்’ ஜெயம் சரவணன்

ரோகிணி-
நன்மைகள் பலவாறாக நடக்கும். தேவைகள் உடனுக்குடன் பூர்த்தியாகும். எடுத்துக்கொண்ட வேலைகள் அனைத்தையும் சுலபமாக செய்து முடிப்பீர்கள். அலுவலகத்தில் இருந்த நெருக்கடிகள் தீரும். எதிர்பார்த்த இடமாற்றம் கிடைக்கும்.

வியாபாரத்தில் லாபம் இருமடங்காக ஏற்படும். தொழில் தொடர்பாக வேண்டிய உதவிகளும் ஒப்பந்தங்களும் கிடைக்கும். மாணவர்கள் கல்வியில் நல்ல முன்னேற்றம் ஏற்படும். பெண்கள் தங்கள் தேவைகள் அனைத்தும் பூர்த்தி ஆவதைக் கண்டு மகிழ்ச்சி அடைவார்கள்.

ஆடை ஆபரணச் சேர்க்கை ஏற்படும். வேலையில்லாத பெண்களுக்கு வேலை கிடைக்கும். குடும்பத்தினருடன் ஏற்பட்டிருந்த மனக்கசப்புகள் நீங்கும். கலைஞர்களுக்கு நல்ல வாய்ப்புகள் கிடைக்கும். வெளிநாடு சென்று கலை நிகழ்ச்சிகளில் கலந்து கொள்ளும் வாய்ப்பும் உண்டு.

இந்த வாரம் -

திங்கள்-
சுப விசேஷ செலவுகள் ஏற்படும். சொத்து விற்பது வாங்குவது சம்பந்தமாக சாதகமான முன்னேற்றம் ஏற்படும். அலுவலகத்தில் இயல்பான நிலையே இருக்கும். வியாபாரத்தில் வளர்ச்சி இருக்கும்.புதிய வாடிக்கையாளர்கள் கிடைக்கப்பெறுவீர்கள்.

செவ்வாய்-
பணத்தேவைகள் உடனுக்குடன் பூர்த்தியாகும். எதிர்பார்த்த வியாபார ஒப்பந்தங்கள் கிடைக்கும். தொழில் தொடர்பாக வேண்டிய உதவி கிடைக்கும். பிள்ளைகளின் தேவைகளை செய்து கொடுப்பீர்கள்.

புதன்-
வெளிநாடுகளில் வேலைக்கு முயற்சி செய்து கொண்டிருப்பவர்களுக்கு இன்று அதற்கான சாதகமான பதில் கிடைக்கும். பணத்தேவைகள் உடனுக்குடன் பூர்த்தியாகும். வியாபாரத்தில் புதிய ஒப்பந்தங்கள் ஏற்படும். பெண்களுக்கு சகோதரர்கள் வழியில் உதவிகள் கிடைக்கும்.

வியாழன்-
நினைத்தது நிறைவேறும் நாள். புதிதாக தொழில் தொடங்குவது அல்லது புதிதாக வியாபாரம் தொடங்குவது முதலான விஷயங்கள் சாதகமாக இருக்கும். வங்கிக் கடன் தொடர்பாக நல்ல தகவல் கிடைக்கும். பெண்கள் தங்களுடைய ஆபரணங்களைப் புதுப்பித்தல், அல்லது பழைய நகைகளை விற்று புதிய நகைகள் வாங்குதல் போன்றவை ஏற்படும். குடும்ப உறுப்பினருக்கு திருமணம் உறுதியாகும்.

வெள்ளி-
திட்டமிடாத காரியங்களிலும் வெற்றி கிடைக்கும். எதிர்பாராத பணம் வரும். வியாபாரத்தில் வரவேண்டிய பாக்கிகள் வசூலாகும். தொழில் தொடர்பாக எதிர்பார்த்த ஒப்பந்தங்களும் கிடைக்கும். வீடு வாங்குவது, விற்பது போன்ற விஷயங்கள் இன்று நல்ல முடிவிற்கு வரும்.

சனி-
பராமரிப்புச் செலவுகள் கூடும். வாகன மாற்றச் சிந்தனை உண்டாகும். வீடு மாற்றம், இடமாற்றம் போன்றவை ஏற்படும் வாய்ப்பு உள்ளது. சகோதரர்களிடம் பொறுமையாகப் பேச வேண்டும்.

ஞாயிறு-
நல்ல வாய்ப்புகள் தேடி வரும். கலைஞர்களுக்கு புதிய ஒப்பந்தங்கள் கிடைக்கும். வியாபார வளர்ச்சி அமோகமாக இருக்கும். தொழில் தொடர்பாக எதிர்பார்த்த ஒப்பந்தங்கள் இன்று கையெழுத்தாகும். எதிர்பார்த்த பண உதவி கிடைக்கும்.

வணங்க வேண்டிய தெய்வம்-
விஷ்ணு சகஸ்ரநாமம் பாராயணம் செய்யுங்கள் அல்லது கேளுங்கள். நன்மைகள் பெருகும். பணவரவு தாராளமாக இருக்கும்.
************************************************************************

மிருகசீரிடம் -
எதிர்பார்ப்புகள் நிறைவேறும் வாரம். தேவைக்கேற்ற பணவரவு இருக்கும். ஒருசிலருக்கு அதிர்ஷ்ட வாய்ப்புகள் கிடைக்கும். உத்தியோகத்தில் எதிர்பார்த்த சலுகைகள் கிடைக்கும். உடல்நலத்தில் குறிப்பிடத்தக்க முன்னேற்றம் ஏற்படும்.

பூர்வீகச் சொத்து தொடர்பாக சகோதரர்களுக்குள் ஏற்பட்ட பிரச்சினைகள் முடிவுக்கு வரும். வியாபாரம் வளர்ச்சியடையும். வரவேண்டிய பாக்கிகள் வசூலாகும். தொழில் வளர்ச்சி சீராக இருக்கும். புதிய ஒப்பந்தங்கள் கிடைக்கும்.

பெண்களுக்கு உறவினர்களால் உதவிகள் கிடைக்கும்.சகோதர ஒற்றுமை ஏற்படும். மாணவர்கள் கல்வியில் முன்னேற்றம் ஏற்படும். கலைஞர்களுக்கு நல்ல வாய்ப்புகள் கிடைக்கும். சொத்துக்கள் வாங்கும் யோகம் உண்டு.

இந்த வாரம்-

திங்கள்-
சொத்து பிரச்சினைகள் முடிவுக்கு வரும். வங்கி கடன் கிடைக்கும் வாய்ப்பு உள்ளது. ஆரோக்கியத்தில் முன்னேற்றம் ஏற்படும். உத்தியோகத்தில் முக்கிய பொறுப்புகள் கிடைக்கும். தொழில் தொடர்பான உதவிகள் கிடைக்கும். எதிர்பார்த்த பணம் கிடைக்கும்.

செவ்வாய்-
வீண் அலைச்சல் ஏற்படும். தேவையற்ற சர்ச்சைகள் தோன்றும். பொறுமை அவசியம். நிதானமாக எந்த செயலையும் செய்ய வேண்டும்.

புதன்-
நேற்றைய பிரச்சினைகள் அனைத்தும் இன்று முடிவுக்கு வரும். எதிர்பாராத உதவிகள் கிடைக்கும்.சுப காரிய பேச்சுக்கள் மனதிற்கு நிம்மதி தரும். அயல்நாடு செல்லும் முயற்சி சாதகமாக இருக்கும். வியாபாரத்தில் லாபம் கிடைக்கும். ஒப்பந்தங்கள் நிறைவேறும். உறவினர்களால் ஆதாயம் உண்டாகும்.

வியாழன்-
மகிழ்ச்சியான செலவுகள் ஏற்படும். பயணங்கள் ஏற்படும். பயணங்களால் ஆதாயம் கிட்டும். அலுவலகத்தில் சக ஊழியர்களின் பாராட்டுக்களை பெறுவீர்கள். தொழிலுக்கு அரசு உதவிகள் கிடைக்கும். பெண்களுக்கு வேலை தொடர்பான தகவல் கிடைக்கும். ஆபரணச் சேர்க்கையும் உண்டு.

வெள்ளி-
எடுத்துக்கொண்ட வேலைகள் அனைத்தும் சிறப்பாக செய்து முடிப்பீர்கள். பணவரவு எதிர்பாரத அளவுக்கு தாராளமாக இருக்கும். சொத்து வாங்குவது விற்பது தொடர்பான விஷயங்கள் ஆதாயம் தருவதாக இருக்கும். எந்தத் துறையினராக இருந்தாலும் முழுமையான வெற்றி கிடைக்கும்.

சனி-
வியாபாரத்தில் லாபம் இருமடங்காக இருக்கும். புதிய நண்பர்கள் அறிமுகமாவார்கள். அவர்களால் ஆதாயம் கிடைக்கும். தொழில் தொடர்பான ஒப்பந்தங்கள் இறுதி நிலையை எட்டும். எதிர்பார்த்த பணம் எதிர்பார்த்த மாதிரியே கிடைக்கும்.

ஞாயிறு-
வீண்செலவுகள் ஏற்படும், நண்பர்களால் சங்கடங்கள் ஏற்படும். குழந்தைகளின் உடல்நலத்தில் சற்று பாதிப்பு ஏற்படும். மருத்துவச் செலவு உண்டு. பயணங்களைத் தவிர்க்க வேண்டும்.

வணங்க வேண்டிய தெய்வம்-
முருகப்பெருமானுக்கு செவ்வரளி மாலை சூட்டி அர்ச்சனை செய்யுங்கள். கந்த சஷ்டி பாராயணம் செய்யுங்கள். நன்மைகள் நடக்கும். சங்கடங்கள் தீரும்.
********************************************************************

திருவாதிரை-
எடுத்துக்கொண்ட முயற்சிகளில் எளிதான வெற்றியைக் காண்பீர்கள். முக்கியமான விஷயங்களில் அதிக கவனம் எடுத்துக்கொள்ள வேண்டும். தேவையற்ற பிரச்சினைகளில் தலையிட வேண்டாம். சொத்து விஷயமாக வீண் பிடிவாதம் பிடிக்க வேண்டாம்.

அலுவலகத்தில் சக ஊழியர்களுடன் சகஜமான நிலையே இருக்கும். தொழில் வளர்ச்சி சீராக இருக்கும். சிலருக்கு கடன் பிரச்சினைகள் நெருக்கடி தருவதாக இருக்கும். ஆனாலும் அதையெல்லாம் சமாளித்து விடுவீர்கள். வியாபார வளர்ச்சி அமோகமாக இருக்கும். புதிய கிளைகள் தொடங்கும் வாய்ப்பு உள்ளது.

பெண்களுக்கு சொந்த வீடு, வேலை போன்றவை கிடைக்கும். திருமண முயற்சிகள் கைகூடும். கணவன் மனைவியிடையே ஒற்றுமை மேலோங்கும். கலைஞர்களுக்கு புதிய ஒப்பந்தங்கள், வாய்ப்புகள் எளிதாக கிடைக்கும்.

இந்த வாரம் -

திங்கள்-
அலுவலகத்தில் சக ஊழியர்களின் வேலையைப் பார்க்க வேண்டியது வரும். தொழில் தொடர்பான சந்திப்புகள் மனநிறைவைத் தரும். இல்லத்திற்கு உறவினர்கள் வருகை ஏற்படும். தாய் வழி உறவுகளால் ஆதாயம் கிடைக்கும்.

செவ்வாய்-
வழக்கு தொடர்பான பிரச்சினைகள் முடிவுக்கு வரும். வியாபாரத்தில் நல்ல வளர்ச்சி இருக்கும். தொழில் தொடர்பாக தேவையான உதவிகள் கிடைக்கும். எதிர்பார்த்த பண உதவி கிடைக்கும்.

புதன்-
தேவையற்ற சர்ச்சையில் சிக்க வேண்டாம். அடுத்தவர்கள் விஷயத்தில் தலையிடுவது பிரச்சினையை உண்டு பண்ணும். சிறிய விஷயம் கூட உங்களுக்கு கோபத்தை ஏற்படுத்துவதாக இருக்கும். சுய கட்டுப்பாடு தேவை.

வியாழன்-
லாபகரமான நாளாக இருக்கும். தொழில் வளர்ச்சி சிறப்பாக இருக்கும். ரியல் எஸ்டேட் தொடர்பான ஒப்பந்தங்கள் ஏற்படும். வியாபாரத்தில் புதிய முயற்சிகளில் ஈடுபட்டு வெற்றி காணக்கூடியதாக இருக்கும். வேலையில் இடமாற்றம் தொடர்பான தகவல் கிடைக்கும்.

வெள்ளி-
வெளிநாடு செல்லும் முயற்சி வெற்றி ஆகும். கலைஞர்களுக்கு புதிய ஒப்பந்தங்கள் கையெழுத்தாகும். வியாபார வளர்ச்சி நன்றாக இருக்கும். பணத்தேவைகள் உடனுக்குடன் பூர்த்தியாகும். இல்லத்தில் சுப காரியம் தொடர்பான பேச்சுவார்த்தைகள் முடிவுக்கு வரும்.

சனி-
வரவும் செலவும் சமமாக இருக்கும். எதிர்பார்த்த பண உதவி கிடைக்கும். வியாபாரம் தொடர்பாக பயணம் ஏற்படும். குடும்பத்தினர் ஒத்துழைப்பு சிறப்பாக இருக்கும். தொழில் தொடர்பான சந்திப்புகள் மன நிறைவைத்தரும்.

ஞாயிறு-
பணவரவு தாராளமாக இருக்கும். எடுத்துக்கொண்ட முயற்சிகள் அனைத்தும் வெற்றி ஆகும். வியாபார ஒப்பந்தங்கள் ஏற்படும். தொழில் தொடர்பான சந்திப்புகள் மனநிறைவைத் தரும். எதிர்ப்புகள் விலகி போகும். நண்பர்களாலும் உறவினர்களாலும் ஆதாயம் ஏற்படும். வேலைக்கான முயற்சிகளில் வெற்றி கிடைக்கும்.

வணங்கவேண்டிய தெய்வம்-
ஶ்ரீநடராஜர் வழிபாடு செய்யுங்கள். நன்மைகள் அதிகமாகும். எதிர்ப்புகள் இல்லாமல் போகும். நினைத்தது நிறைவேறும்.
***************************************************************