இந்த வார நட்சத்திர பலன்கள் (பிப்ரவரி 3 முதல் 9 வரை) அஸ்தம், சித்திரை, சுவாதி

- ‘சொல்வாக்கு ஜோதிடர்’ ஜெயம் சரவணன்

அஸ்தம் -
நன்மைகள் அதிகமாக நடைபெறும் வாரம் . ஒரு சில விஷயங்களில் தடை தாமதம் ஏற்பட்டாலும் உங்களுடைய தனித் திறமையால் சரிசெய்து விடுவீர்கள். உத்தியோகத்தில் ஒரு சில நெருக்கடிகள் தோன்றினாலும், பெரிய பிரச்சனைகள் ஏதும் ஏற்படாது. பணிச்சுமை காரணமாக ஒரு சிலருக்கு மன அழுத்தங்கள் ஏற்படும். சுய தொழில் செய்து கொண்டிருப்பவர்களுக்கு முன்னேற்றமான வாரமாக இருக்கும். வியாபாரிகள் தங்கள் வியாபாரத்தில் அபாரமான வளர்ச்சியைக் காண்பார்கள். பங்கு வர்த்தகத் துறையில் இருப்பவர்கள் லாபம் இருமடங்காக இருக்கும். பெண்களுக்கு ஆரோக்கியத்தில் முன்னேற்றம் உண்டாகும்.நினைத்தது அனைத்தும் நிறைவேறும். மாணவர்கள் தங்கள் படிப்பில் முழு கவனத்தையும் செலுத்த வேண்டும், தேவையற்ற சஞ்சலங்கள் ஏற்படும். கலைஞர்களுக்கு எதிர்பார்த்த உதவிகள் கிடைக்கும். புதிய ஒப்பந்தங்கள் ஏற்படும்.அயல்நாடுகளில் கலை நிகழ்ச்சிகளில் கலந்து கொள்ளும் வாய்ப்பும் கிடைக்கும்.பணவரவு எதிர்பார்த்ததைவிட தாராளமாக இருக்கும்.

இந்த வாரம் -

திங்கள் -
உத்தியோகத்தில் இருப்பவர்களுக்கு தங்கள் பணியில் எதிர்பார்த்த சலுகைகள் கிடைக்கும். வியாபார பேச்சுவார்த்தைகள் சாதகமாக இருக்கும். எதிர்பார்த்த ஒரு சில உதவிகள் சரியான நேரத்தில் கிடைக்கும்.

செவ்வாய் -
வங்கியில் எதிர்பார்த்த கடன் உதவி கிடைக்கும்.இடம்,வீடு தொடர்பான வியாபார விஷயங்கள் சுமூகமாக இருக்கும்.தொழில் தொடர்பான நல்ல தகவல் கிடைக்கும்.

புதன் -
சுபச்செலவுகள் ஏற்படும். எதிர்பார்த்த விஷயங்கள் அனைத்தும் சாதகமாக இருக்கும். வியாபார ஒப்பந்தங்கள் ஏற்படும். பணவரவு தாராளமாக இருக்கும். தொழில் தொடர்பான ஒப்பந்தங்கள் ஏற்படும். கலைஞர்கள் புதிய ஒப்பந்தங்களில் கையெழுத்திடுவார்கள்.

வியாழன் -
பணத்தேவைகள் உடனுக்குடன் பூர்த்தியாகும். மனக் குழப்பங்களில் இருந்து விடுபடுவீர்கள். எதிர்பார்த்த வியாபாரம் வெற்றிகரமாக முடியும். பெரியமனிதர்களின் ஆதரவு கிடைக்கும்.

வெள்ளி -
தொலைபேசி வழித் தகவல் மனதில் உற்சாகத்தை தரும். வியாபாரமும் விஷயங்கள் ஒப்பந்தங்களாக மாறும். குடும்பத்தில் சுபவிஷேச பேச்சுவார்த்தைகள் நடக்கும்.பணத்தேவைகள் பூர்த்தியாகும். நண்பர்களால் ஆதாயம் ஏற்படும்.

சனி-
வேலை மாறுவது தொடர்பான சிந்தனை உருவாகும் அது தொடர்பான முயற்சிகளில் இறங்குவீர்கள்.வியாபாரிகள் புதிய வியாபாரத் திட்டங்களை தொடங்குவதற்கான முயற்சிகளில் இறங்குவார்கள். தொழில் தொடர்பான எதிர்பார்த்த உதவிகள் கிடைக்கும்.

ஞாயிறு -
எதிர்பாராத அளவுக்கு நன்மைகள் நடைபெறும். பணம் பல வழிகளிலும் வரும். வியாபாரத்தில் வெற்றி கிடைக்கும். புதிய தொழில் தொடங்கும் முயற்சியில் முன்னேற்றம் ஏற்படும். திருமணம் உள்ளிட்ட சுப விசேஷங்கள் பேசி முடிக்கப்படும்.

வணங்கவேண்டிய தெய்வம் -
சக்தி வடிவான அம்மன் ஆலயங்களுக்கு சென்று வாருங்கள். அம்மனுக்கு குங்கும அர்ச்சனை செய்யுங்கள். நன்மைகள் அதிகமாகும்,தேவைகள் பூர்த்தியாகும், செல்வ வளம் பெருகும்.
**************************************************

சித்திரை -
எதிர்பார்த்த உதவிகள் அனைத்தும் கிடைக்கும்.குடும்பத்தில் சுப நிகழ்வுகள் நடக்கும். சொந்த வீடு வாங்கும் முயற்சியில் வெற்றியுண்டாகும். பாதியில் நின்ற கட்டிடப் பணிகள் மீண்டும் தொடங்குவீர்கள். உத்தியோகத்தில் எதிர்பார்த்த பதவி உயர்வு கிடைக்கும். கல்வித் தகுதிக்கு தகுந்த வேலை இல்லாமல் இருப்பவர்களுக்கு, இப்பொழுது தகுந்த வேலை கிடைக்கும். பத்திரிகை மற்றும் ஊடகத் துறையில் இருப்பவர்களுக்கு சாதனைகள் செய்யும் அளவுக்கு நன்மைகள் நடக்கும்.வியாபாரிகள் தங்கள் வியாபாரத்தில் பெரிய முன்னேற்றத்தைக் காண்பார்கள். கட்டுமான தொழில் செய்து கொண்டிருப்பவர்களுக்கு தங்கள் தொழிலில் படிப்படியான முன்னேற்றத்தைக் காண்பார்கள். பெண்களுக்கு மனமகிழும் படியான சம்பவங்கள் குடும்பத்தில் நடக்கும். தேவைகள் பூர்த்தியாகும். ஆரோக்கிய பிரச்சனைகள் முற்றிலுமாக தீரும். குழந்தையில்லாத பெண்களுக்கு இப்பொழுது புத்திரபாக்கியம் உண்டாகும். கலைஞர்கள் புதிய ஒப்பந்தங்களில் கையெழுத்திட்டு மகிழ்வீர்கள்,சொத்துக்கள் வாங்கும் யோகமும் ஏற்படும்.

இந்த வாரம் -

திங்கள் -
வருமானம் திருப்திகரமாக இருக்கும். இடம் வீடு தொடர்பான வியாபார விஷயங்களில் முன்னேற்றம் உண்டாகும். ஒப்பந்தங்கள் போடுவதற்கும் வாய்ப்புண்டு. பத்திரப் பதிவுகள் நடைபெறும். வியாபாரத்தில் வருமானம் இருமடங்காக இருக்கும்.

செவ்வாய் -
அத்தியாவசிய செலவுகள் அதிகமாக இருக்கும்.சுய தேவைகள் சம்பந்தமாக செலவுகள் ஏற்படும்.அலைச்சல் அதிகரிக்கும். ஒருவித ஆயாசம் தோன்றும்.

புதன் -
நன்மைகள் அதிகமாக ஏற்படும். குடும்பத்தினருடன் கலகலப்பாக இருப்பீர்கள். நீண்ட நாளாவே எதிர்பார்த்துக் கொண்டிருந்த நல்ல தகவல் இன்று கிடைக்கும். திருமணம் உள்ளிட்ட சுப காரிய பேச்சுவார்த்தைகள் முடிவுக்கு வரும்.

வியாழன் -
அதிக நன்மைகள் நடக்கும் நாள். பணவரவு தாராளமாக இருக்கும். வியாபாரங்களில் லாபம் இருமடங்காக ஏற்படும். எதிர் பார்த்த அனைத்து விஷயங்களும் உங்களுக்கு சாதகமாக இருக்கும்.

வெள்ளி -
புதிய முயற்சிகள் எதுவும் செய்ய வேண்டாம். வழக்கமான பணிகளை மட்டும் மேற்கொள்ளுங்கள்.கோபத்தை கட்டுப்படுத்த வேண்டும். ஆலய வழிபாடு மன அமைதியைத் தரும்.

சனி-
தேங்கியிருந்த வேலைகள் அனைத்தையும் இன்று சுறுசுறுப்பாக செய்து முடிப்பீர்கள். பயணங்களால் ஆதாயம் ஏற்படும். வியாபார பேச்சுவார்த்தைகள் முன்னேற்றத்தை தரும். தாமதமாகிக் கொண்டிருந்த பணவரவு இன்று கிடைக்கும்.

ஞாயிறு -
வெளிநாடு செல்வதற்கான முயற்சிகளில் வெற்றிகள் உண்டாகும்.செய் தொழிலில் எதிர்பாராத லாபம் கிடைக்கும். நீண்ட நாளாக வராமலிருந்த பணம் இன்று திரும்ப கிடைக்கும்.

வணங்கவேண்டிய தெய்வம் -
சூரிய பகவானை வணங்குங்கள். ஆதித்ய ஹிருதயம் அதிகாலை நேரத்தில் கேட்டு வாருங்கள். மனதில் உற்சாகம் பிறக்கும்.தெளிவான சிந்தனை உண்டாகும்.முயற்சிகளில் வெற்றி கிடைக்கும்.
******************************************************

சுவாதி -
தேவைகள் உடனுக்குடன் பூர்த்தியாகும். உத்தியோகத்தில் எதிர்பார்த்த இடமாற்றம் கிடைக்கும். அலுவலகத்தில் இருந்த நெருக்கடிகள் தீரும். தொழில் தொடர்பான உதவிகள் தானாக தேடி வரும். பெண்களுக்கு இயல்பான சொத்து சேர்க்கை ஏற்படும். தந்தைவழி உறவுகளால் ஆதாயம் கிடைக்கும். சகோதர ஒற்றுமை மேலோங்கும். மாணவர்கள் கல்வியில் நல்ல முன்னேற்றம் காண்பார்கள். தேர்வுகளில் எதிர்பார்த்த மதிப்பெண் கிடைக்கும். வியாபாரிகள் சீரான வளர்ச்சியைக் காண்பார்கள். கலைஞர்களுக்கு புதிய ஒப்பந்தங்கள் ஏற்படுவது, அந்த ஒப்பந்தங்களால் அதிக லாபம் பெறுவது போன்றவை நடக்கும்.

இந்த வாரம் -

திங்கள் -
பணவரவு திருப்தியாக இருக்கும்.எதிர்பார்த்த உதவிகள் கிடைக்கும். உத்தியோகத்தில் சலுகைகள் கிடைக்கும். வியாபாரத்தில் மனநிறைவான ஒப்பந்தங்கள் கிடைக்கும்.

செவ்வாய் -
தள்ளிப் போன விஷயங்கள் இன்று எளிதாக முடியும். தேவையான உதவிகள் அனைத்தும் கிடைக்கும். பணத்தேவைகள் பூர்த்தியாகும். ஆரோக்கியத்தில் முன்னேற்றம் ஏற்படும்.

புதன் -
மகிழ்ச்சிகரமான நாள்.நண்பர்களுடன் நேரத்தை செலவிடுவீர்கள்.அதன் காரணமாகவே செலவுகள் அதிகமாக இருக்கும். சேமிப்பு குறையும்.

வியாழன் -
வியாபாரம் தொடர்பான பேச்சுவார்த்தைகள் முடிவுக்கு வந்து ஒப்பந்தங்களாக மாறும். பணத்தேவைகள் பூர்த்தியாகும். நீண்டநாளாக முடியாமல் இருந்த வேலையை இன்று எளிதாக செய்து முடிப்பீர்கள்.

வெள்ளி -
தொலைதூரப் பயணங்கள் ஏதும் இருந்தால் தவிர்த்துவிடுங்கள். முக்கியமான பேச்சுவார்த்தைகளை தள்ளி வையுங்கள். எந்த ஒரு விஷயத்திலும் அவசர முடிவுகளை எடுக்க வேண்டாம். நிதானமாக இருப்பது மனதிற்கும், உடலுக்கும் நல்லது.

சனி-
வெளிநாடு செல்வதற்கான முயற்சிகளில் சாதகமான தகவல் கிடைக்கும்.புதிய முயற்சிகளை எடுத்து அதில் வெற்றி காண்பீர்கள். வியாபாரத்தில் எதிர்பார்த்த லாபம் கிடைக்கும்.

ஞாயிறு -
அதிக அளவிலான நன்மைகள் நடைபெறும். பணத்தேவைகள் பூர்த்தியாகும். வியாபார விஷயங்கள் மன மகிழ்ச்சியை ஏற்படுத்தும் விதத்தில் அமையும். வேலை மாற்றம் தொடர்பான விசயங்களில் சாதகமான தகவல் கிடைக்கும்.

வணங்கவேண்டிய தெய்வம் -
நரசிம்மருக்கு பானகம் நிவேதனம் செய்யுங்கள். நன்மைகள் அதிகமாகும். தடைகள் அகலும். பணத்தேவைகள் பூர்த்தியாகும்.
*******************************************************