மேஷம்: எதிரிகளை சாமர்த்தியமாக வீழ்த்துவீர்கள். வழக்குகள் சாதகமாகும். தந்தைவழி உறவினர்களின் ஆதரவு அதிகரிக்கும். குடும்பத்துடன் ஆன்மிக சுற்றுலா செல்வீர்கள்.
ரிஷபம்: வீடு, மனை வாங்குவதற்கான சூழல் கனிந்து வரும். கல்யாணப் பேச்சுவார்த்தை நம்பிக்கையைத் தரும். வாகனத்தை சீர் செய்வீர்கள். பால்ய நண்பரை சந்தித்து மகிழ்வீர்கள்.
மிதுனம்: பெற்றோரின் உடல் நிலை திடீரென பாதிக்கக் கூடும். காரியங்களை பலமுறை அலைந்து முடிப்பீர்கள். வீடு, வாகனப் பராமரிப்புச் செலவுகள் திட்டமிட்டதைவிட அதிகரிக்கும்.
கடகம்: மனதில் நிலவிய குழப்பங்கள் நீங்கி தெளிவு உண்டாகும். குடும்பத்தில் அமைதி நிலவும். பிரிந்திருந்த கணவன் - மனைவி ஒன்று சேர்வீர்கள். ஆடை, ஆபரணங்கள் வாங்குவீர்கள்.
சிம்மம்: பணவரவு திருப்திகரமாக இருக்கும். போட்டி, விவாதங்களில் கலந்து கொண்டு வெற்றி பெறுவீர்கள். அரசியல்வாதிகளின் நட்பு கிடைக்கும். கலைப்பொருட்கள் வாங்குவீர்கள்.
கன்னி: வீடு வாங்கும் யோகம் உண்டாகும். தடைபட்டிருந்த வீடு கட்டுமானப் பணிகள் வேகம் எடுக்கும். வாகனத்தை மாற்றுவீர்கள். சாதுர்யமாகப் பேசி காரியங்களை முடிப்பீர்கள்.
துலாம்: எத்தனை பிரச்சினைகள் வந்தாலும் அதை எதிர்கொண்டு சமாளிக்கும் மனோபலமும், வலிமையும் உண்டாகும். நவீன மின்னணு, மின்சார சாதனங்கள் வாங்கி மகிழ்வீர்கள்.
விருச்சிகம்: புதிய முயற்சிகள் யாவும் வெற்றியடையும். குடும்பத்தில் உங்கள் கை ஓங்கும். உங்கள் ஆலோசனையை எல்லோரும் ஏற்றுக் கொள்வார்கள். மனைவிவழி உறவினரால் ஆதாயம் உண்டு.
தனுசு: வீடு கட்டுவது நல்ல விதத்தில் முடிவடையும். நவரத்தினங்கள், ஆபரணங்கள் வாங்குவீர்கள். புண்ணிய தலங்களுக்கு சென்று வருவீர்கள். விருந்தினர் வருகையால் வீடு கலகலப்பாகும்.
மகரம்: உங்கள் ஆரோக்கியத்தில் அக்கறை காட்டுவது நல்லது. முடிந்துபோன சம்பவங்களைப் பற்றி இப்போது பேசிக் கொண்டிருக்காதீர்கள். வாகனம் திடீர் செலவு வைக்கும்.
கும்பம்: பயணங்கள், தூக்கமின்மை, வீண் செலவுகள் ஏற்படக்கூடும். அரசு விவகாரங்களில் அலட்சியம் காட்டாதீர்கள். நீண்டநாட்களாக எதிர்பார்த்திருந்த செய்தி வந்து சேரும்.
மீனம்: உயர் பதவியில் இருப்பவர்கள் அறிமுகமாவார்கள். மனைவிவழி உறவினர்களால் உதவி கிடைக்கும். நீண்டநாட்களாக விலகியிருந்த சொந்தபந்தங்கள் திரும்பி வருவார்கள்.
| ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல. |