மேஷம்: கணவன் - மனைவி இடையே அன்யோன்யம் அதிகரிக்கும். புதிய வாகனம், ஆடை, ஆபரணங்கள் வாங்கி மகிழ்வீர்கள். பங்கு வர்த்தகம் மூலம் லாபம் வரும். திடீர் பயணம் உண்டு.
ரிஷபம்: கனவுத் தொல்லை வரும். பழைய கசப்பான சம்பவங்களை நினைத்து அவ்வப்போது மனம் சஞ்சலப்படும். முன்கோபத்தால் சிலரின் நட்பை இழக்காதீர்கள். வாகனம் செலவு வைக்கும்.
மிதுனம்: எதிர்மறை எண்ணங்கள் வரும். அக்கம்பக்கத்தினரின் சுயரூபத்தை அறிந்து கொள்வீர்கள். குடும்பத்துக்குள் சின்ன சின்ன சச்சரவுகள், கோபதாபங்கள் வந்து நீங்கும்.
கடகம்: பணப்புழக்கம் அதிகரிக்கும். விலை உயர்ந்த பொருட்கள் வாங்குவீர்கள். செல்லும் இடமெல்லாம் மரியாதை, கவுரவம் கிடைக்கும். வெளியூர் பயணங்கள் இனிதாக இருக்கும்.
சிம்மம்: அழகு, இளமை கூடும். எதிர்மறை எண்ணங்கள் விலகும். கணவன் - மனைவிக்குள் அன்யோன்யம் அதிகரிக்கும். தீர்க்க முடியாத பிரச்சினைகளையும் தீர்க்கும் சாமர்த்தியம் உண்டாகும்.
கன்னி: ஆன்மிகத்தில் நாட்டம் அதிகரிக்கும். மூத்த சகோதரர் வகையில் உதவிகள் கிடைக்கும். பால்ய நண்பரை சந்தித்து மகிழ்வீர்கள். எதிர்பாராத தொகை ஒன்று கைக்கு வரக்கூடும்.
துலாம்: வாகனம் திடீரென செலவு வைக்கும். பிள்ளைகளுடன் வாக்குவாதம் ஏற்படக் கூடும். அவர்களின் நட்பு வட்டத்தை கண்காணிப்பது அவசியம். அக்கம்பக்கத்தினரின் அன்பு தொல்லை உண்டு.
விருச்சிகம் : கல்யாணப் பேச்சுவார்த்தை வெற்றியடையும். உறவினர்கள் உங்களின் உதவும் தன்மையைப் பாராட்டுவார்கள். பால்ய நண்பர்களின் சந்திப்பால் உற்சாகமடைவீர்கள்.
தனுசு: அக்கம்பக்கத்து வீட்டாருடன் இருந்துவந்த மோதல் போக்கு நீங்கும். முக்கியப் பிரச்சினை குறித்து சகோதரர்களுக்கிடையே மனம்விட்டு பேசி நல்ல முடிவுகள் எடுப்பீர்கள்.
மகரம்: புதிய திட்டங்கள் நிறைவேறும். வாகனம் சரியாகும். தைரியமாக, தன்னிச்சையாக சில முக்கிய முடிவுகள் எடுப்பீர்கள். புண்ணிய தலங்களுக்கு குடும்பத்துடன் சென்று வருவீர்கள்.
கும்பம்: மனக்குழப்பங்கள், வீண் விவாதங்கள் வந்து நீங்கும். எதிர்ப்புகளையும் தாண்டி முன்னேறுவீர்கள். வீட்டை விரிவுபடுத்தி கட்டுவது போன்ற முயற்சிகள் சாதகமாக முடியும்
மீனம்: ஆடை, அணிகலன்கள் சேரும். மகளின் திருமண பேச்சுவார்த்தையில் முன்னேற்றம் ஏற்படும். கைமாற்றாக வாங்கியிருந்த பணத்தை தந்து முடிப்பீர்கள். கலைப்பொருட்கள் சேரும்.
| ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல. |