இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: குடும்பத்தினருடன் மனம்விட்டு பேசுவீர்கள். வெளிவட்டாரத்தில் புது அனுபவம் உண்டாகும். சிக்கனமாக செலவழித்து சேமிக்கத் தொடங்குவீர்கள். பால்ய நண்பர் உதவுவார்.

ரிஷபம்: உடன்பிறந்தவர்களால் சில காரியங்கள் நிறைவேறும். வீடு, வாகனத்தை சீர் செய்வீர்கள். பழைய கடன் பிரச்சினைகள் கட்டுக்குள் வரும். பங்கு வர்த்தகம் லாபம் தரும்.

மிதுனம்: கோபத்தை கட்டுப்படுத்தி உயர்வதற்கான வழியை யோசிப்பீர்கள். பிள்ளைகளின் விருப்பத்தை நிறைவேற்றுவீர்கள். திட்டமிட்ட காரியங்கள் கைகூடும். திடீர் பயணம் ஏற்படலாம்.

கடகம்: சிக்கனமாக இருக்க வேண்டுமென்று நினைத்தாலும், அத்தியாவசிய செலவுகள் அடுத்தடுத்து ஏற்படும். கணவன் - மனைவிக்குள் நிலவிய கருத்துவேறுபாடு பிற்பகலில் நீங்கும்.

சிம்மம்: புதியவரின் நட்பால் உற்சாகமடைவீர்கள். சமூகத்தில் பிரபலமானவருடன் எதிர்பாராத சந்திப்பு நிகழும். வீட்டை விரிவுபடுத்துவீர்கள். முக்கிய விவகாரங்களில் எச்சரிக்கை தேவை.

கன்னி: கனிவாக பேசி காரியங்களை சாதிப்பீர்கள். பிள்ளைகளின் பெருமைகளை மற்றவர்களிடம் சொல்லி மகிழ்வீர்கள். உங்களை தவறாக நினைத்துக் கொண்டிருந்தவர்களின் மனம் மாறும்.

துலாம்: மற்றவர்களை நம்பி எந்த வேலையையும் ஒப்படைக்கக் கூடாது என்று முடிவெடுப்பீர்கள். நீண்டநாள் பிரார்த்தனையை குடும்பத்துடன் சென்று நிறைவேற்றுவீர்கள்.

விருச்சிகம்: வீடு, வாகன பராமரிப்பு செலவுகள் திட்டமிட்டதைவிட அதிகரிக்கும். வெளியூர் பயணங்களால் அலைச்சல் இருந்தாலும் ஆதாயமும் உண்டு. மூத்த சகோதரர் உதவுவார்.

தனுசு: சாதுர்யமாகப் பேசி காரியங்களை கச்சிதமாக முடிப்பீர்கள். பிள்ளைகளால் உறவினர்கள், நண்பர்கள் மத்தியில் அந்தஸ்து உயரும். எதிர்பார்த்திருந்த தொகை கைக்கு வரும்.

மகரம்: சுறுசுறுப்புடன் செயல்பட்டு தேங்கிக் கிடந்த வேலைகளை முடிப்பீர்கள். அழகு, இளமை கூடி புதுப் பொலிவுடன் திகழ்வீர்கள். ஆடை, ஆபரணம் சேரும். நட்பு வட்டம் விரியும்.

கும்பம்: மற்றவர்களுடன் உங்களை ஒப்பிட்டுக் கொண்டிருக்க வேண்டாம். பணப்பற்றாக்குறையை சாமர்த்தியமாக சமாளிப்பீர்கள். மாலையில் மகிழ்ச்சி தரும் செய்தி வரும்.

மீனம்: முக்கிய கோப்புகளை கையாளும்போது அலட்சியம் காட்ட வேண்டாம். உடல் நலத்தில் அக்கறை காட்டுவது நல்லது. ஆடம்பரச் செலவுகளால் சேமிப்புகள் கரையும்.