இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: குடும்பத்தாரின் ஆதரவு பெருகும். வீடு, மனை வாங்கும் யோகம் உண்டாகும். உறவினர்கள் மத்தியில் செல்வாக்கு உயரும். ஆடை, ஆபரணங்கள் வாங்கி மகிழ்வீர்கள்.

ரிஷபம்: சாதுர்யமாகச் செயல்பட்டு முன்னேறுவீர்கள். மனக்குழப்பம் நீங்கி தெளிவான முடிவுகள் எடுப்பீர்கள். குடும்பத்தில் மகிழ்ச்சி தங்கும். பிள்ளைகளின் நட்பு வட்டம் விரியும்.

மிதுனம்: அனுபவ அறிவால் சிக்கலான பிரச்சினைகளுக்கு தீர்வு காண்பீர்கள். எதிர்பாராத பணவரவு உண்டு. பிரபலங்கள் வீட்டு விசேஷங்களில் குடும்பத்துடன் கலந்து கொள்வீர்கள்.

கடகம்: சிறுசிறு அவமானம், வீண் விரயம் வந்து போகும். யாருக்காகவும் சாட்சி, ஜாமீன் கையெழுத்திடவோ, உத்தரவாதம் தரவோ வேண்டாம். அக்கம்பக்கத்தினருடன் அளவாகப் பழகுங்கள்.

சிம்மம்: மனோபலம் அதிகரிக்கும். கடனாக கேட்ட இடத்தில் பணம் கிடைக்கும். வீடு, வாகன பராமரிப்பை மேற்கொள்வீர்கள். எதிர்பார்த்த வேலைகள் தடையின்றி முடியும். திடீர் பயணம் உண்டு.

கன்னி: எதிர்பார்ப்புகள் பூர்த்தியாகும். தன்னார்வத் தொண்டு நிறுவனங்களால் கவுரவிக்கப்படுவீர்கள். நாடி வந்தவர்களுக்கு உதவி செய்வீர்கள். பால்ய நண்பரை சந்திப்பீர்கள்.

துலாம்: சுபநிகழ்ச்சிகளில் கலந்து கொள்வீர்கள். சொந்தபந்தங்கள் மத்தியில் மதிப்பு உயரும். கவுரவப் பதவிகள் தேடி வரும். ஆன்மிகப் பெரியோரின் ஆசி கிட்டும். கலைப்பொருட்கள் சேரும்.

விருச்சிகம்: உங்களின் நிர்வாகத் திறன் பளிச்சிடும். ஓரளவு பணம் வரும். குடும்பத்தாரின் ஆதரவு அதிகரிக்கும். பிள்ளைகளின் அடிமனதில் இருக்கும் பயத்தை போக்க முயற்சிப்பீர்கள்.

தனுசு: வெளியூர் பயணம் வெற்றிகரமாக அமையும். சமையலறை சாதனங்கள் வாங்குவீர்கள். வேற்றுமொழி பேசுபவர்கள் அறிமுகமாவார்கள். கணவன் - மனைவி இடையே அன்பு மேலோங்கும்.

மகரம்: உங்கள் பேச்சில் கனிவு கூடும். பிரபலங்களின் உதவியால் சில காரியங்களை முடிப்பீர்கள். கைமாற்றாக கொடுத்த பணத்தை வசூலிப்பீர்கள். குடும்பத்தில் மகிழ்ச்சி தங்கும்.

கும்பம்: வேலைச்சுமை, நண்பர்களுடன் எதிர்பாராத நெருடல் வந்து நீங்கும். விருந்தினர்களின் வருகையால் செலவு அதிகரிக்கும். வெளியூர் பயணங்களால் அலைச்சல் இருக்கும்.

மீனம்: வீண் சந்தேகம், மறைமுக எதிர்ப்புகள் வந்து நீங்கும். தங்க ஆபரணங்களை யாருக்கும் இரவல் தரவேண்டாம். உணவு விஷயத்தில் கட்டுப்பாடு அவசியம். வாகனம் செலவு வைக்கும்.