மேஷம்: குடும்பத்தில் உங்கள் கை ஓங்கும். பிள்ளைகள் உங்கள் பேச்சுக்கு மதிப்பளிப்பார்கள். எதிர்பார்த்த வேலைகள் தடையின்றி முடியும். விருந்தினர் வருகையால் வீடு களைகட்டும்.
ரிஷபம்: புது முயற்சிகளில் வெற்றி கிட்டும். குடும்பத்தில் மகிழ்ச்சியான சூழல் நிலவும். நல்ல நண்பர்களைச் சந்திப்பீர்கள். வெளிவட்டாரத்தில் மதிக்கப்படுவீர்கள். கலைப்பொருட்கள் சேரும்.
மிதுனம்: எதிர்பார்த்த இடத்திலிருந்து நல்ல செய்திகள் வரும். கணவன் - மனைவிக்குள் அன்யோன்யம் அதிகரிக்கும். ஆன்மிகத்தில் நாட்டம் ஏற்படும். வாகனம் செலவு வைக்கும்.
கடகம்: குடும்பத்தில் இருப்பவர்களுடன் விட்டுக்கொடுத்து போவது நல்லது. வரவுக்கு மிஞ்சிய செலவுகள் இருக்கும். வெளிவட்டாரத்தில் நிதானம் அவசியம். திடீர் பயணம் உண்டு.
சிம்மம்: மனசாட்சிக்கு விரோதமின்றி செயல்பட வேண்டுமென்று நினைப்பீர்கள். குடும்பத்தில் கலகலப்பான சூழல் ஏற்படும். குலதெய்வப் பிரார்த்தனைகளை நிறைவேற்றுவீர்கள்.
கன்னி: சகோதரரின் விருப்பங்களை நிறைவேற்றுவீர்கள் கல்யாண முயற்சிகள் பலிதமாகும். உங்கள் ஆலோசனையை அனைவரும் ஏற்றுக் கொள்வார்கள். பால்ய நண்பரை சந்திப்பீர்கள்.
துலாம்: கணவன் - மனைவிக்குள் நிலவிய கருத்துவேறுபாடு நீங்கும். குடும்பத்தில் உங்கள் வார்த்தைக்கு மதிப்பு கூடும். தைரியமாக சில முக்கிய முடிவுகள் எடுத்து வெற்றி பெறுவீர்கள்.
விருச்சிகம்: பிள்ளைகளின் எதிர்காலம் பற்றி யோசிப்பீர்கள். உறவினர்களின் அன்புத் தொல்லைகள் விலகும். புண்ணிய தலங்கள் சென்று வருவீர்கள். எதிர்பாராத பணவரவு உண்டு.
தனுசு: குடும்பத்தில் குழப்பம் நீங்கி அமைதி நிலவும். பிள்ளைகள் பொறுப்புடன் நடந்து கொள்வார்கள். நவீன மின்னணு சாதனங்கள் வாங்குவீர்கள். பூர்விகச் சொத்து கைக்கு வரும்.
மகரம்: குடும்பத்தின் அடிப்படை வசதிகளை மேம்படுத்துவீர்கள். சாமர்த்தியமாக பேசி காரியங்களை சாதிப்பீர்கள். உங்கள் பலம், பலவீனத்தை உணர்ந்து செயல்படுவது நல்லது.
கும்பம்: எடுத்த வேலையை முழுமையாக முடிக்க முடியாமல் திணறுவீர்கள். பிள்ளைகளின் வருங்காலம் குறித்த கவலைகள் வந்து நீங்கும். வீடு பராமரிப்பை மேற்கொள்வீர்கள்.
மீனம்: உறவினர்களின் ஆதரவு உண்டு சகோதரர் பாசமழை பொழிவார். நீங்கள் சாதாரணமாகப் பேசுவதுகூட குடும்பத்தில் பிரச்சினைகளை ஏற்படுத்தலாம். நிதானித்து செயல்படுங்கள்.
| ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல. |