இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: நீண்ட நாட்களாக மனதை வாட்டிய பிரச்சினைகளுக்கு இன்று முடிவு கட்டுவீர்கள். ஆன்மிகத்தில் நாட்டம் ஏற்படும். கணவன் - மனைவிக்குள் அன்யோன்யம் அதிகரிக்கும்.

ரிஷபம்: குடும்பத்தில் அனுசரித்துப் போவீர்கள். பிள்ளைகளின் தேவைகளை பூர்த்தி செய்வீர்கள். சகோதர, சகோதரிகளால் நன்மையுண்டு. பால்ய நண்பர்களைச் சந்தித்து மகிழ்வீர்கள்.

மிதுனம்: ஆடம்பர செலவுகளை குறைத்து சேமிக்கும் எண்ணம் வரும். பிள்ளைகளால் மகிழ்ச்சியுண்டு. மறைமுகப் போட்டிகளை சமாளிப்பீர்கள். அக்கம்பக்கத்தினரின் ஆதரவு பெருகும்.

கடகம்: குடும்பத்தினர் உறுதுணையாக இருப்பார்கள். பேச்சில் கம்பீரம் பிறக்கும். சகோதரர் வகையில் உதவிகள் கிடைக்கும். திட்டமிட்டு செயல்பட்டு காரியங்களில் வெற்றி பெறுவீர்கள்.

சிம்மம்: எந்த ஒரு விஷயத்திலும் மற்றவர்களை முழுமையாக நம்பாதீர்கள். நண்பர்கள், உறவினர்கள் உங்களிடம் அதிக உரிமை எடுத்துக் கொள்வார்கள். திடீர் பயணம் ஏற்படக்கூடும்.

கன்னி: குடும்பத்தைப் பற்றிய கவலைகள் வந்து நீங்கும். அலைபேசியில் பேசிக்கொண்டு வாகனத்தை இயக்காதீர்கள். உறவினர்களால் சங்கடங்கள் ஏற்படக் கூடும். பணவரவு உண்டு.

துலாம்: குடும்பத்தினருடன் கலந்தாலோசித்து முடிவுகள் எடுப்பீர்கள். பிள்ளைகள் பொறுப்புடன் நடந்து கொள்வார்கள். நண்பர்களால் சில காரியங்கள் நிறைவேறும். முகப் பொலிவு கூடும்.

விருச்சிகம்: சாதுர்யமான பேச்சால் சில காரியங்களை முடித்துக் காட்டுவீர்கள். வெளியூர் பயணங்களால் ஆதாயம் உண்டு. அரசாங்க காரியங்களில் அனுகூலமான நிலை காணப்படும்.

தனுசு: குடும்பத்தில் கலகலப்பான சூழல் ஏற்படும். பிள்ளைகள் பொறுப்பாக நடந்து கொள்வார்கள். ஆடம்பரச் செலவுகளை தவிர்ப்பீர்கள். பிரார்த்தனைகளை நிறைவேற்றுவீர்கள்.

மகரம்: இனந்தெரியாத சின்னச் சின்ன கவலைகள் வந்து நீங்கும். உடன்பிறந்தவர்களால் வீண் செலவும், மனக்கசப்பும் வந்து செல்லும். பணம், நகைகளை கவனமாக கையாளுங்கள்.

கும்பம்: சகோதரரின் விருப்பத்தை நிறைவேற்றுவீர்கள் கல்யாண முயற்சிகள் வெற்றியடையும். குடும்பத்தினர் உங்கள் ஆலோசனையை ஏற்றுக் கொள்வார்கள். வாகனத்தை சீர் செய்வீர்கள்.

மீனம்: கணவன் - மனைவிக்குள் மனம்விட்டுப் பேசி மகிழ்வீர்கள். வெளிவட்டாரத்தில் மதிப்பு, மரியாதை உயரும். புதிய நண்பர்கள் அறிமுகமாவார்கள். தாழ்வு மனப்பான்மை நீங்கும்.