மேஷம்: கல்யாண முயற்சிகள் பலிதமாகும். பயணங்களால் மகிழ்ச்சி தங்கும். வெளிவட்டாரத்தில் அந்தஸ்து உயரும். வீட்டை விரிவுபடுத்தும் முயற்சியில் ஈடுபடுவீர்கள்.
ரிஷபம்: உடன்பிறந்தவர்கள் உங்கள் வளர்ச்சிக்கு ஆதரவாக இருப்பார்கள். பழைய பிரச்சினைகளை தீர்ப்பீர்கள். விசேஷங்களை முன்னின்று நடத்துவீர்கள். ஆடை, ஆபரணங்கள் சேரும்.
மிதுனம்: கடந்தகால இனிமையான சம்பவங்கள் மனதில் நிழலாடும். பிள்ளைகள் கேட்டதை வாங்கித் தருவீர்கள். வீடு, வாகனத்தை சீர் செய்வீர்கள். பிரபலங்கள் அறிமுகமாவார்கள்.
கடகம்: திட்டமிடாத செலவுகளும், பயணங்களும் குறுக்கிட்டாலும் சாமர்த்தியமாக சமாளிப்பீர்கள். பிள்ளைகளிடம் கோபத்தைக் காட்டாமல் அவர்கள் போக்கிலேயே விட்டுப் பிடியுங்கள்.
சிம்மம்: கணவன் - மனைவிக்குள் ஆரோக்கியமான விவாதங்கள் வந்து போகும். தாய்வழி உறவினர்கள் மத்தியில் மதிக்கப்படுவீர்கள். எதிர்பாராத இடத்திலிருந்து உதவிகள் கிடைக்கும்.
கன்னி: பிள்ளைகளால் பெருமையடைவீர்கள். உதவி கேட்டு வருபவர்களுக்கு உங்களால் இயன்றதை செய்து கொடுப்பீர்கள். சுபநிகழ்ச்சிகளில் குடும்பத்துடன் கலந்து கொள்வீர்கள்.
துலாம்: பிள்ளைகளின் வருங்காலத் திட்டங்களில் ஒன்று நிறைவேறும். தெய்வீக ஈடுபாடு அதிகரிக்கும். நட்பு வழியில் நல்ல செய்தி கேட்பீர்கள். எதிர்பார்த்த இடத்தில் இருந்து பணம் வரும்.
விருச்சிகம்: தடைகளைத் தாண்டி முன்னேறுவீர்கள். வீடு, வாகனப் பராமரிப்பு செலவுகள் அதிகரிக்கும். வெளியூர் பயணங்களால் அலைச்சல் இருந்தாலும் ஆதாயமும் உண்டு.
தனுசு: மற்றவர்களுக்காக சிலவற்றை செய்து பெருமைப்படுவீர்கள். உறவினர், நண்பர்களின் வருகையால் வீடு களைகட்டும். பூர்வீக சொத்து பிரச்சினைகளுக்கு சுமுகத் தீர்வு கிடைக்கும்.
மகரம்: கணவன் - மனைவிக்குள் அன்யோன்யம் அதிகரிக்கும். சுறுசுறுப்புடன் செயல்பட்டு தேங்கிக் கிடந்த வேலைகளை முடிப்பீர்கள். பிள்ளைகளை புதிய பாதையில் வழி நடத்துவீர்கள்.
கும்பம்: முன்கோபத்தை குறையுங்கள். எளிதாக முடிய வேண்டிய காரியங்களைக் கூட பலமுறை போராடி முடிப்பீர்கள். உறவினர், நண்பர்களால் அன்புத் தொல்லை அதிகரிக்கும்.
மீனம்: முக்கிய கோப்புகளைக் கையாளும்போது அலட்சியம் வேண்டாம். வாகனத்தில் செல்லும்போது கவனம் தேவை. வெளி உணவுகளைத் தவிர்ப்பது நல்லது. பணவரவு உண்டு.
| ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல. |