மேஷம்: எதிர்பார்த்த உதவி தக்க சமயத்தில் கிடைக்கும். தெளிவான முடிவுகளால் அனைவரது நன்மதிப்பை பெறுவீர்கள். வியாபாரத்தில் பங்குதாரர்கள் வளைந்து கொடுத்து போவர். அலுவலகத்தில் விவாதம் தவிர்ப்பீர்.
ரிஷபம்: சாமர்த்தியமாக செயல்பட்டு பணிகளை முடிப்பீர்கள். குடும்பத்தில் உங்கள் பேச்சுக்கு மதிப்பு கூடும். வியாபாரத்தில் பழைய சரக்குகள் விற்றுத் தீரும். எதிர்பார்த்த கடனுதவி கிட்டும். உத்தியோகம் சிறக்கும்.
மிதுனம்: குடும்பத்தில் உங்கள் கை ஓங்கும். உங்களின் உதவியை நாடி பழைய நண்பர்கள் வருவர். தாயாரின் மருத்துவச் செலவுகள் குறையும். வியாபாரத்தில் புது சரக்குகள் வந்திறங்கும். அலுவலகத்தில் மதிப்பு உயரும்.
கடகம்: சகோதர வகையில் வீண் செலவு, அலைச்சல் வரும். அக்கம் பக்கத்தினரை அனுசரித்து நடந்து கொள்ளவும். அலுவலகத்தில் பணிச்சுமை அதிகரிக்கும். அலுவலகத்தில் தேடிய முக்கிய ஆவணம் தென்படும்.
சிம்மம்: உறவினருடன் இருந்த மனஸ்தாபம் விலகும். பிள்ளைகளின் பாசம் கூடும். தந்தைவழி செலவுகளை கட்டுப்படுத்துவீர். அலுவலகத்தில் உங்கள் அருமை புரியும். வியாபார நுணுக்கங்களை கற்றுக் கொள்வீர்.
கன்னி: பழைய பிரச்சினைகளுக்கு தீர்வு காண்பீர்கள். பிரபலங்களின் நட்பு கிட்டும். அரசால் அனுகூலமுண்டு. தாயாரின் உடல்நிலை சீராகும். அலுவலகத்தில் பணி களை முடிப்பீர். வியாபாரத்தை விரிவுபடுத்துவீர்கள்.
துலாம்: புதியவரின் நட்பால் உற்சாகமடைவீர். பழைய நண்பர்களை சந்திப்பீர். வீட்டை விரிவுபடுத்துவீர்கள். வேற்றுமதத்தவர் உதவுவார். வியாபாரத்தில் லாபம் வரும். அலுவலகத்தில் மேலதிகாரிகள் பாராட்டுவர்.
விருச்சிகம்: பிள்ளைகளை புதிய பாதையில் வழி நடத்துவீர். விலை உயர்ந்த பொருட்கள் வாங்குவீர். மனைவிவழி உறவினர்கள் தேடி வருவர். அலுவலக பணிகளை சிறப்பாக முடிப்பீர்கள். வியாபாரம் சிறக்கும்.
தனுசு: பால்ய நண்பர்கள் உதவுவர். உடன்பிறந்தோரின் விருப்பத்தை நிறைவேற்றுவீர். வியாபாரத்தை பெரிய அளவில் விரிவுபடுத்த புது முயற்சிகள் எடுப்பீர்கள். அலுவலகரீதியாக வெளியூர் பயணம் மேற்கொள்வீர்.
மகரம்: தள்ளிப் போய்க் கொண்டிருந்த சுபநிகழ்ச்சிக்கு தேதி குறிப்பீர்கள். குடும்பத்தில் சந்தோஷம் நிலைக்கும். மூத்த சகோதரர் உதவுவார். வியாபாரத்தில் பாக்கிகள் வசூலாகும். அலுவலகத்தில் விவாதங்களை தவிர்ப்பீர்.
கும்பம்: பிள்ளைகள் படிப்பு விஷயமாக அலைச்சல், செலவு வரும். வியாபாரத்தில் பாக்கிகளை போராடி வசூலிப்பீர். ஓரளவு லாபம் பார்க்கலாம். அலுவலகத்தில் புதிய பதவிக்கு பரிந்துரை செய்யப்படும் வாய்ப்புண்டு.
மீனம்: மனைவிவழி உறவினர்களை அனுசரித்து நடந்து கொள்ளவும். பழைய நண்பர்களை சந்தித்து மகிழ்வீர். மாணவர்கள் படிப்பில் ஆர்வம் காட்டுவர். வியாபாரம் சூடு பிடிக்கும். உத்தியோகத்தில் முன்னேற்றம் காண்பீர்.
ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல