இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: பளிச்சென்று பேசி எல்லோரையும் கவருவீர்கள். கணவன் -மனைவிக்குள் அன்யோன்யம் பிறக்கும். வருங்காலத்துக்கான முக்கிய முடிவுகளை எடுப்பீர்கள். உறவினர், நண்பர்கள் மத்தியில் மதிப்பு கூடும்.

ரிஷபம்: தைரியமான முடிவுகளை எடுத்து வெற்றி காண்பீர்கள். வெளிவட்டாரத்தில் மதிக்கப்படுவீர்கள். ஆடம்பர செலவுகளை குறைப்பீர்கள். சகோதர வகையில் மகிழ்ச்சி தங்கும். பால்ய நண்பர்களை சந்திப்பீர்கள்.

மிதுனம்: மனக் குழப்பங்கள் விலகும். வெளியூரிலிருந்து உறவினர்கள், நண்பர்களின் வருகையுண்டு. குடும்பத்தினரின் எண்ணங்களை பூர்த்தி செய்வீர்கள். வீடு, வாகன பராமரிப்பு செலவுகள் அதிகரிக்கும்.

கடகம்: பணப் பற்றாக்குறை விலகும். மனதுக்குப் பிடித்தவர்களை சந்தித்து மகிழ்வீர்கள். தாயின் உடல் நலம் சீராகும். பிள்ளைகளை நல்வழிப்படுத்துவீர்கள். வீட்டுக்குத் தேவையான மின்னணு சாதனங்கள் வாங்குவீர்கள்.

சிம்மம்: திட்டமிடாத செலவுகளும், பயணங்களும் குறுக்கிட்டாலும் சாமர்த்தியமாக சமாளிப்பீர்கள். மற்றவர்களுடன் உங்களை ஒப்பிட்டுக் கொண்டிருக்க வேண்டாம். வீட்டில் மாலை முதல் மகிழ்ச்சி தொடங்கும்.

கன்னி: குடும்பத்தினருடன் வீண் வாக்குவாதம் வந்து போகும். வரவுக்கு மிஞ்சிய செலவுகள் இருக்கும். மாலை முதல் எதிலும் முன்யோசனையுடன் செயல்படப் பாருங்கள். வெளியூர் பயணம் செல்ல திட்டமிடுவீர்கள்.

துலாம்: நீங்கள் முன்பு செய்த உதவிகளுக்கு இப்போது பாராட்டப்படுவீர்கள். கணவன் - மனைவிக்குள் அன்யோன்யம் பிறக்கும். உறவினர்கள் மத்தியில் மதிக்கப்படுவீர்கள். பழைய கல்லூரி நண்பர்களை சந்திப்பீர்கள்.

விருச்சிகம்: சோர்வாக இருந்த நீங்கள் சுறுசுறுப்படைவீர்கள். சிந்தனைத் திறன் அதிகரிக்கும். குடும்பத்தில் கலகலப்பான சூழல் ஏற்படும். பிள்ளைகளின் உடல் நலம் சீராக இருக்கும். பணவரவு உண்டு.

தனுசு: எதிரிகளின் ஆட்டம் அடங்கும். கணவன் - மனைவிக்குள் மகிழ்ச்சியுண்டு. விருந்தினர்கள், நண்பர்களின் வருகையால் வீட்டில் மகிழ்ச்சி தங்கும். புதிய வீடு கட்டுவதற்கு வங்கிக் கடனுதவி எளிதில் கிடைக்கும்.

மகரம்: உங்களுடைய பலம் எது பலவீனம் எது என்று நீங்கள் உணர்ந்து கொள்வது நல்லது. உறவினர்களால் அன்புத்
தொல்லை உண்டு. மாலை முதல் தடைகள் ஒவ்வொன்றாக விலகும். எதிர்பார்த்த இடத்திலிருந்து பணம் வரும்.

கும்பம்: புதியவரின் நட்பால் உற்சாகமடைவீர்கள். தெய்வீக ஈடுபாடு அதிகரிக்கும். பழைய சிக்கலில் ஒன்று தீரும். மாலை முதல் எதிலும் நிதானித்து செயல்படப் பாருங்கள். உறவினர்கள் ஆதரவாக இருப்பர்.

மீனம்: பழைய நல்ல சம்பவங்களை நினைவுகூர்ந்து மகிழ்வீர்கள். கணவன் - மனைவிக்குள் அன்யோன்யம் பிறக்கும். வாகனச் செலவுகள் நீங்கும். பழைய கடன்களில் ஒன்று தீரும். யாரையும் பகைத்துக் கொள்ள வேண்டாம்.

- ஜோதிஷபூஷண் வேங்கடசுப்பிரமணியன்