ஹாட் லீக்ஸ்: நேருவை ‘கவனித்த’ சேகர் ரெட்டி!

ஹாட் லீக்ஸ்: நேருவை ‘கவனித்த’ சேகர் ரெட்டி!

நேருவை ‘கவனித்த’ சேகர் ரெட்டி!

அதிமுக ஆட்சியில் சேகர் ரெட்டியாக விமர்சிக்கப்பட்டவர் இப்போது ஜெ.சேகராக மாறி முதல்வரிடம் ஒரு கோடி ரூபாய் நிவாரண நிதி வழங்கியதை நாடறியும். சேகர் ரெட்டி முதல்வரைச் சந்தித்ததற்கு முந்தைய நாள் திருப்பதி ஏழுமலையானை தரிசனம் செய்யச் சென்றிருந்தாராம் அமைச்சர் கே.என்.நேரு. அப்போது அவருக்கான தரிசன ஏற்பாடுகளை செம்மையாக செய்து கொடுத்தவர் ரெட்டி காரு தானாம். அந்த சந்திப்பின் போது நேரு கொடுத்த யோசனைப்படி தான் முதல்வரை சந்தித்து நிவாரண நிதி கொடுக்க வந்தாராம் ஜெ.சேகர்.

எஸ்கார்டு இல்லாம எங்கேயும் போறதில்ல!

அமைச்சராக இருந்தபோது, “வெட்டுவேன்... குத்துவேன்” எனப் பேசிப்பேசியே பலரையும் பகைத்துக் கொண்டார் ராஜேந்திர பாலாஜி. அதெல்லாம் சேர்ந்து இப்போது அவரை பயமாக துரத்துகிறதாம். இப்போது பாலாஜி எங்கு சென்றாலும் அவரது ஃபார்ச்சூனர் காருக்குப் பின்னால் ஒரு ஸ்கார்பியோ காரும் செல்கிறது. அந்தக் காருக்குள் கட்டுமஸ்தான ஆட்கள் ஐந்து பேர் எப்போதும் இருக்கிறார்கள். எஸ்கார்டு டூட்டிக்காக காலை 7 மணிக்கெல்லாம், திருத்தங்கலில் உள்ள பாலாஜியின் வீட்டில் ஆஜராகிவிடும் இவர்களில் சிலர் விவகாரப் பின்னணி உள்ளவர்களாம். முன்பெல்லாம் தனது காரில் விசுவாசிகளையும் ஏற்றிக் கொள்ளும் பாலாஜி, இப்போது யாரையும் ஏற்றுவதில்லை. தனியாளாகவே பயணிக்கிறாராம். இதையெல்லாம் வேடிக்கையாகப் பேசும் திருத்தங்கல்வாசிகள், “எக்ஸு இப்ப சாமிகும்பிடப் போனாக்கூட எஸ்கார்டு இல்லாம போறதில்லைல...” என்று சொல்லிச் சிரிக்கிறார்கள்.

Trending Stories...

No stories found.
x
காமதேனு
kamadenu.hindutamil.in