உ.சந்தானலெட்சுமி
santhanalakshmi.u@hindutamil.co.in
தமிழ் சினிமாவில் இது ஜாலி திருடர்களின் யுகம். ஏதாவது ஒரு வித்தியாசமான பொருளைத் திருட அலையும் கூட்டத்தை வைத்து வரும் படங்கள், ரசிகர்களின் மனதைத் திருடவும் தவறுவதில்லை. அந்த வகையில் இன்னொரு ஜாலி திருட்டுக் கும்பலின் கதையாக வருகிறது ‘திட்டம் போட்டு திருடுற கூட்டம்’. இரண்டு வருடங்களாக இடியாப்பச் சிக்கலில் மாட்டிக் கொண்டிருந்த இந்தப் படத்தை ஒருவழியாகப் திரைக்குக் கொண்டுவருகிறார் இயக்குநர் சுதர். அவருடன் ஒரு பேட்டி:
எம்ஜிஆர் ரசிகரா நீங்க... அவரது பாடல் வரியை டைட்டிலா வச்சிருக்கீங்க?
எம்ஜிஆர் படங்களும் பாடல்களும் ரொம்பப் பிடிக்கும். இந்தப் படத்தின் கதையோட தொடர்புடைய டைட்டிலா வைக்கணும்னு யோசிச்சப்ப இந்தப் பாடல் வரிதான் ஞாபகத்துக்கு வந்தது. மொத்த யூனிட்டுக்கும் இந்த டைட்டில் பிடிச்சிருந்தது. அதையே வச்சிட்டோம்!