டெஹ்ரான்: அமெரிக்க இடைக்கால தேர்தலில், ஜனநாயகக் கட்சி பெரும்பான்மை பெற்ற நிலையில், அதிபர் டொனால்டு ட்ரம்பை கிண்டல் செய்யும் ஏஐ வீடியோவை இந்தியாவுக்கான ஈரான் தூதரகம் தனது எக்ஸ் தளத்தில் நேற்று வெளியிட்டது.
அதில், சோர்வாகத் தோன்றும் ட்ரம்பை, வெள்ளை மாளிகை அதிகாரிகள் போன்ற 4 பேர் தூக்கிச் சென்று குப்பைத் தொட்டியில் வீசுகின்றனர். அமெரிக்க இடைக்காலத் தேர்தல் என்ற தலைப்புடன், சிரிக்கும் எமோஜியும் சேர்க்கப்பட்டுள்ளது. இந்தப் பதிவுக்கு நெட்டிசன்கள் பலர் எதிர்வினையாற்றினர்.
சிலர் ட்ரம்பையும் அவரது கொள்கைகளையும் கிண்டல் செய்தனர். “ஜனநாயகத்துக்கு இன்று மிகச் சிறந்த நாள்” என்று ஒருவர் எழுதி உள்ளார். “சர்வதேசக் குப்பை தொட்டியில் வீசப்பட்டது” என்று கூறி, ஈரான் தலைமைக்கு மற்றொருவர் நன்றி தெரிவித்தார். “தாம் தொடங்கிய அநியா யமான, சட்டவிரோதமான ஈரான் போரில் ஏற்பட்ட தோல்வியை ட்ரம்ப் ஏற்கவேண்டும்” என்று இன்னொருவர் கூறினார்.