‘அல்லா’ பெயரைப் பயன்படுத்த கிறிஸ்தவ நாளிதழுக்குத் தடை

மலேசியாவில், கத்தோலிக்க தேவாலயம் சார்பில் வெளியிடப் படும் ‘ஹெரால்ட்’ நாளிதழின் மலாய் மொழி பதிப்பில், கடவுளை குறிப்பிட அல்லா என்கிற அரபு மொழிச் சொல் பயன்படுத்தப்பட்டது. அந்த சொல்லை பயன்படுத்த 2007-ம் ஆண்டு மலேசிய அரசு தடை விதித்தது.

இதை எதிர்த்து ‘ஹெரால்டு’ நாளிதழ் சார்பில் தொடரப்பட்ட வழக்கை புத்ரஜெயாவில் அமைந்துள்ள உச்ச நீதிமன்றம் விசாரித்தது. தலைமை நீதிபதி ஆரிபின் ஜக்காரியா தலைமையிலான 7 நீதிபதிகள் அடங்கிய அமர்வு விசாரித்து அளித்த தீர்ப்பில், அரசின் தடை உத்தரவு சரியானது தான் என்றும், வழக்கை தள்ளுபடி செய்வதாகவும் தெரிவிக்கப்பட்டுள்ளது.