சக்தி வாய்ந்தவர்கள் பட்டியலில் மன்மோகனை முந்திய சோனியா!

சர்வதேச அளவில் மிகவும் சக்தி வாய்ந்தவர்கள், சக்திவாய்ந்த பெண்கள் மற்றும் செல்வாக்கு மிகுந்த பெண்கள் ஆகியோர் பட்டியலை ஃபோர்ப்ஸ் பத்திரிக்கை வெளியிட்டுள்ளது.

இதில், சக்திவாய்ந்தவர்கள் பட்டியலில், காங்கிரஸ் தலைவர் சோனியா காந்தி 21-வது இடத்தில் இருக்கிறார். பிரதமர் மன்மோகன் சிங் இவரைவிட 7 இடங்கள் பின்தங்கி 28-வது இடத்தில் இருக்கிறார்.

இந்தப் பட்டியலில், ரஷ்ய அதிபர் விளாடிமிர் புடின் முதலிடத்திலும், அமெரிக்க அதிபர் பராக் ஒபாமா இரண்டாம் இடத்திலும் உள்ளனர்.

ஃபோர்ப்ஸ் வெளியிட்டுள்ள உலகின் சக்தி வாய்ந்த 100 பெண்கள் பட்டியலில் சோனியா காந்தி 9-வது இடத்தைப் பிடித்துள்ளார்.

அதேவேளையில், செல்வாக்கு மிகுந்த பெண்கள் பட்டியலில் சோனியா காந்தி 3-வது இடத்தைப் பிடித்துள்ளார். இந்தப் பட்டியலில், ஜெர்மனி பிரதமர் ஏஞ்சலா மெர்கல் முதல் இடத்தையும், பிரேசில் அதிபர் டில்மா ரூசெஃப் 3-வது இடத்தையும் பிடித்துள்ளனர்.