கில்கில்: மத்திய கென்யாவில் ஒரு பெண்கள் பள்ளியில் ஏற்பட்ட தீ விபத்தில் 16 மாணவிகள் உயிரிழந்தனர். மத்திய கென்யாவின் கில்கில் பகுதியில் உதுமிஷி பெண்கள் பள்ளி உள்ளது.
இந்த உறைவிடப் பள்ளியில் 800-க்கும் மேற்பட்ட மாணவிகள் படித்து வருகின்றனர். இந்நிலையில் இந்தப் பள்ளியின் மாணவிகள் விடுதியில் இரவில் தீ விபத்து ஏற்பட்டது. இதில் 16 மாணவிகள் உயிரிழந்ததாகவும் மேலும் 79 பேர் காயம் அடைந்ததாகவும் அந்நாட்டு கல்வி அமைச்சர் ஜூலியஸ் ஒகாம்பா கூறினார். இது குறித்து போலீஸார் விசாரணை மேற்கொண்டுள்ளனர்.