சென்னை: இந்திய ஸ்மார்ட்போன் சந்தையில் ரெட்மி 15C ஸ்மார்ட்போன் அறிமுகமாகி உள்ளது. இந்த போனின் விலை மற்றும் சிறப்பு அம்சங்கள் குறித்து விரிவாக பார்ப்போம்.
சீன எலக்ட்ரானிக்ஸ் நிறுவனமான சியோமிக்கு சொந்தமான துணை நிறுவனம் தான் ரெட்மி. கடந்த 2013 முதல் பட்ஜெட் விலையில் போன்களை இந்நிறுவனம் விற்பனை செய்து வருகிறது. வாடிக்கையாளர்களை கவரும் வகையில் புதிய போன்களை சந்தையில் அறிமுகம் செய்வதை ரெட்மி நிறுவனம் வழக்கமாகக் கொண்டுள்ளது.
அந்த வகையில் தற்போது ரெட்மி 15சி ஸ்மார்ட்போனை அறிமுகம் செய்துள்ளது. மூன்று வண்ணங்களில் வெளிவந்துள்ளது இந்த போன் மூன்று விதமான ரேம் வேரியன்ட்களில் இந்த போன் அறிமுகமாகி உள்ளது. வரும் 11-ம் தேதி முதல் இதன் விற்பனை தொடங்குகிறது. கடந்த ஆகஸ்ட் மாதம் ரெட்மி 15 ஸ்மார்ட்போன் அறிமுகமாகி இருந்தது குறிப்பிடத்தக்கது.
ரெட்மி 15சி சிறப்பு அம்சங்கள் என்னென்ன?
6.9 இன்ச் ஐபிஎஸ் எல்சிடி டிஸ்பிளே
மீடியாடெக் டிமான்சிட்டி 6300 சிப்செட்
ஆண்ட்ராய்டு 15 இயங்குதளம்
50 மெகாபிக்சல் கொண்டுள்ளது இந்த போனின் பிரதான கேமரா
8 மெகாபிக்சல் கொண்டுள்ளது முன்பக்க கேமரா
6,000 mAh பேட்டரி
33 வாட்ஸ் சார்ஜரை இந்த போனுடன் வாடிக்கையாளர்கள் பெறலாம்
ரிவர்ஸ் சார்ஜிங் அம்சமும் உள்ளது
5ஜி நெட்வொர்க்
யுஎஸ்பி டைப்-சி போர்ட்
4 / 6 / 8 ஜிபி ரேம்
128 ஜிபி ஸ்டோரேஜ்
இந்த போனின் விலை ரூ.12,499 முதல் தொடங்குகிறது