மோட்டோரோலா சிக்னேச்சர் ஸ்மார்ட்போன்
சென்னை: இந்திய ஸ்மார்ட்போன் சந்தையில் மோட்டோரோலா நிறுவனம் ‘சிக்னேச்சர்’ என்ற ஸ்மார்ட்போனை அறிமுகம் செய்துள்ளது. இது பிரீமியம் மாடல் ஸ்மார்ட்போனாக சந்தையில் வெளிவந்துள்ளது.
அமெரிக்காவை தலைமையிடமாக கொண்டு இயங்கி வருகிறது மோட்டோரோலா மொபிலிட்டி. இது சீன தேச நிறுவனமான லெனோவா நிறுவனத்தின் துணை நிறுவனமாகும். இந்தியாவில் அவ்வப்போது புது போன்களை மோட்டோ விற்பனைக்கு கொண்டு வருவது வழக்கம். அந்த வகையில் மோட்டோரோலா சிக்னேச்சர் இந்தியாவில் இப்போது அறிமுகமாகி உள்ளது.
இது மோட்டோரோலா நிறுவன போன்களில் புதிய சீரிஸாக வெளிவந்துள்ளது. மூன்று விதமான ஸ்டோரேஜ் வேரியண்ட்டுகளில் இந்த போன் வெளிவந்துள்ளது. ஏழு ஆண்டுகளுக்கு இயங்குதள மற்றும் செக்யூரிட்டி அப்டேட் உறுதியை இந்த போனுக்கு மோட்டோரோலா அறிவித்துள்ளது. இரண்டு வண்ணங்களில் இந்த போன் கிடைக்கிறது. வரும் 30-ம் தேதி முதல் இந்த போன் சந்தையில் விற்பனைக்கு வருகிறது.
Motorola Signature ஸ்மார்ட்போன்: சிறப்பு அம்சங்கள் என்னென்ன?
6.8 இன்ச் pOLED டிஸ்பிளே
ஸ்னாப்டிராகன் 8 ஜெனரேஷன் 5 சிப்செட்
ஆண்ட்ராய்டு 16 இயங்குதளம்
5,200 mAh பேட்டரி
90 வாட் அதிவேக சார்ஜர் இந்த போனுடன் வருகிறது
50 வாட்ஸ் வயர்லெஸ் சார்ஜிங் அம்சமும் இதில் உள்ளது
ரிவர்ஸ் சார்ஜிங் அம்சமும் உள்ளது
ட்ரிபிள் கேமரா இந்த போனின் பின்பக்கம் உள்ளது. மூன்றுமே 50 மெகாபிக்சலை கொண்டுள்ளது
செல்ஃபி கேமராவும் 50 மெகாபிக்சல் கொண்டுள்ளது
5ஜி நெட்வொர்க்
யுஎஸ்பி டைப்-சி போர்ட்
12 / 16 ஜிபி ரேம்
256 / 512 ஜிபி மற்றும் 1 டிபி ஸ்டோரேஜ்
இந்த போனின் விலை ரூ.59,999 முதல் தொடங்குகிறது