சென்னை: இந்திய ஸ்மார்ட்போன் சந்தையில் மோட்டோ ஜி57 பவர் ஸ்மார்ட்போன் அறிமுகமாகி உள்ளது. இந்த போன் பட்ஜெட் விலையில் வெளிவந்துள்ளது. இதன் சிறப்பு அம்சங்கள் குறித்து விரிவாக பார்ப்போம்.
அமெரிக்காவை தலைமையிடமாக கொண்டு இயங்கி வருகிறது மோட்டோரோலா மொபிலிட்டி. இது சீன தேச நிறுவனமான லெனோவா நிறுவனத்தின் துணை நிறுவனமாகும். இந்தியாவில் அவ்வப்போது புது போன்களை மோட்டோ விற்பனைக்கு கொண்டு வருவது வழக்கம். அந்த வகையில் மோட்டோ ஜி57 பவர் ஸ்மார்ட்போன் இந்தியாவில் இப்போது அறிமுகமாகி உள்ளது.
இந்த போன் சந்தையில் இன்பினிக்ஸ் நோட் 50எஸ், ஒப்போ கே13, ரியல்மி பி3எக்ஸ், விவோ டி4எக்ஸ் உள்ளிட்ட போன்களுக்கு சந்தை விற்பனையில் போட்டி அளிக்கும் என எதிர்பார்க்கப்படுகிறது.
மோட்டோ ஜி57 பவர் சிறப்பு அம்சங்கள் என்னென்ன?
6.7 இன்ச் Full HD+ எல்சிடி டிஸ்பிளே
ஸ்னாப்டிராகன் 6எஸ் ஜெனரேஷன் 4 ப்ராஸசர்
ஆண்ட்ராய்டு 16 இயங்குதளம்
இந்த போனின் பின்பக்கத்தில் 2 கேமரா இடம்பெற்றுள்ளது. அதில் 50 மெகாபிக்சல் கொண்டுள்ளது பிரதான கேமரா
8 மெகாபிக்சல் கேமரா முன்பக்கம் உள்ளது
7,000mAh பேட்டரி
30 வாட்ஸ் வயர்டு சார்ஜிங் அம்சமும் இதில் உள்ளது
யுஎஸ்பி டைப்-சி சார்ஜிங் போர்ட்
8ஜிபி ரேம்
128ஜிபி ஸ்டோரேஜ்
மூன்று வண்ணங்களில் இந்த போன் வெளிவந்துள்ளது
இந்த போனின் விலை ரூ.12,999 என அறிவிக்கப்பட்டுள்ளது