ஐபோன் 6 அறிமுகப் பரபரப்பே இன்னும் அடங்கவில்லை. அதற்குள், ஆப்பிள் புதிய ஐபேட்ஏர் 2, ஐமேக் ஆகியவற்றை அறிமுகம் செய்துள்ளது.
ஐபேட்டின் மெலிதான தோற்றம், ஐமேக்கின் ரெட்டினா டிஸ்பிலே ஆகியவை பற்றிப் பெரிய அளவில் பேசப்பட்டாலும் அதிகம் கவனிக்கப்படாத அம்சமாக இவற்றின் சிம்கார்டு வசதி இருப்பதாகத் தொழில்நுட்பத் தளமான டெக்கிரஞ்ச் தெரிவித்துள்ளது.
இந்த சிம்கார்டில் செல்போன் சேவை நிறுவனத்தைச் சாதனத்தில் இருந்தே தேர்வு செய்து கொள்ளும் வசதியும் இருப்பதாகக் குறிப்பிடப்பட்டுள்ளது.
அதாவது சிம்மை மாற்றாமல் சேவை நிறுவனத்தை மாற்றிக்கொள்ளலாம். ஐபேட் ஏர் 2 இந்திய அறிமுகம் பற்றியும் பேசப்படுகிறது.
ஆனால், இந்தியாவில் இந்த சிம்கார்டு மாற்றும் வசதியைப் பயன்படுத்த முடியாது. நம் நாட்டில் அடையாள அட்டை இல்லாமல் சிம்கார்டைப் பயன்படுத்த முடியாது.
இதனிடையே ஐபோன் 6 இந்திய அறிமுகத்தில் மும்பை போன்ற நகரங்களில் நள்ளிரவில் வரிசையில் நின்று புதிய போனை வாங்கியிருக்கின்றனர். அதுதான் ஐபோன் கலாச்சாரம்.