திருச்சி: நூலக முறைகேடு விவகாரத்தில் புத்தக பரிந்துரைக் குழு தலைவராக இருந்த ஜெயரஞ்சன் வாய் திறக்காதது ஏன்? என காங்கிரஸ் மூத்த தலைவர் பீட்டர் அல்போன்ஸ் கேள்வி எழுப்பியுள்ளார்.
மறைந்த பிரதமர் நேருவின் பிறந்த நாளை முன்னிட்டு, திருச்சி சேவா சங்கம் பள்ளி எதிரே உள்ள அவரது சிலைக்கு மாலை அணிவித்து மரியாதை செலுத்திய பின், அவர் செய்தியாளர்களிடம் கூறியது: மேகேதாட்டுவில் அணை கட்டுவதை எந்த சக்தியாலும் தடுக்க முடியாது என பிரதமர் மோடியை வைத்துக்கொண்டு கர்நாடக முதல்வர் டி.கே.சிவகுமார் பேசியுள்ளது கண்டிக்கத்தக்கது. இதை மேடையிலேயே பிரதமர் மோடி கண்டித்து இருக்க வேண்டும்.
தவறு செய்த தவெக எம்எல்ஏக்கள் மீது முதல்வர் நடவடிக்கை எடுப்பார். நூலகங்களில் 75 ஆயிரம் போலி நூல்கள் இடம் பெற்றது தொடர்பாக, பரிந்துரை குழுவின் தலைவராக இருந்த ஜெயரஞ்சன் ஏன் வாய் திறக்கவில்லை? இதுதொடர்பாக அவர் பதிலளிக்க வேண்டும். வரும் நாடாளுமன்ற கூட்டத்தொடரில் தொகுதி மறுவரையறை வாக்கெடுப்பு நடக்கும் போது தமிழகத்தில் நடந்து வரக்கூடிய சதிகளின் முகத்திரை கிழிக்கப்படும். இவ்வாறு கூறினார்.