டிடிவி தினகரன் | கோப்புப் படம்
தாராபுரம்: தாராபுரம் தொகுதியில் அதிமுக வேட்பாளர் கே.பானுமதியை ஆதரித்து நேற்று தேர்தல் பிரச்சாரத்தில் ஈடுபட வந்த அமமுக பொதுச் செயலாளர் டிடிவி தினகரன் செய்தியாளர்களிடம் கூறியதாவது:
தேர்தல் முடிந்த 4 மாதத்தில் மதுராந்தகம், தாராபுரம் தொகுதியில் இடைத்தேர்தல் வந்தது என்றால் அது உங்களுக்குத் தெரியும். இந்த நிகழ்வுகளுக்கு குருட்டு அதிர்ஷ்டத்தில் முதல்வரான விஜய்தான் காரணம். ஆட்சி அமைக்கும் அளவுக்கு அவர்களுக்கு பெரும்பான்மையைக் கொடுக்கவில்லை என்பதுதான் உண்மை.
அதிமுக சட்டப்பேரவை உறுப்பினர்களை ஏமாற்றி ஆசை வார்த்தைகாட்டி தனக்கு ஆதரவாக வாக்களிக்க வைத்தார். இன்றைக்கும் அவர்கள் கட்சிக்கு எதிராக வாக்களித்து விட்டோமே என்று சங்கடத்தில் உள்ளனர்.
சுயநல நடவடிக்கை: இடைத்தேர்தலுக்கு முழுக்காரணமும் முதல்வர் விஜய்யின் தவறான சுயநல நடவடிக்கைதான். தெருத்தெருவாகச் சென்று கொத்து புரோட்டா போட்டாலும் அவரால் வெற்றி பெறமுடியாது. இவ்வாறு அவர் கூறினார்.