சென்னை: தமிழ்நாடு தனியார் பல்கலைக் கழகங்கள் பட்டியலில் 7 புதிய பல்கலைக்கழகங்களை சேர்ப்பது தொடர்பான பல்கலைக்கழக சட்டத் திருத்த மசோதா சட்டப்பேரவையில் 2023-ல் நிறைவேற்றப்பட்டது. அதேபோல, தமிழகத்தில் தனியார் பல்கலைக்கழகங்களை புதிதாக நிறுவும் வகையில், நிலஅளவு உள்ளிட்டவற்றில் சலுகை வழங்கி 2025-ல் மசோதா நிறைவேற்றப்பட்டது.
மாநகராட்சி, நகராட்சிப் பகுதிகளில் குறைந்த அளவு நிலம் இருந்தாலே பல்கலைக்கழகம் அமைக்க முடியும் என்று இந்த சட்டத் திருத்த மசோதாவில் கூறப்பட்டிருந்ததால், எதிர்க்கட்சிகள் எதிர்ப்பு தெரிவித்தன. இந்நிலையில், நேற்று இந்த சட்ட மசோதாக்கள் திரும்ப பெறப்பட்டன.