கோப்புப் படம்
சென்னை: வியட்நாமில் இருந்து இலங்கை தலைநகர் கொழும்புக்கு பயணிகள் விமானம் நேற்று முன்தினம் இரவு சென்று கொண்டிருந்தது.
அந்த விமானத்தில் 143 பயணிகள், 9 விமான ஊழியர்கள் உட்பட 152 பேர் இருந்தனர்.
விமானம் நடுவானில் சுமார் 36,000 அடி உயரத்தில் பறந்து கொண்டிருந்த போது, இயந்திர கோளாறு ஏற்பட்டது.
இதையடுத்து, விமானிகள் டெல்லியில் உள்ள தலைமை கட்டுப்பாட்டு அலுவலகம் மூலமாக, சென்னை விமான நிலைய கட்டுப்பாட்டு அறையை தொடர்பு கொண்டு விவரம் தெரிவித்தனர், விமானம் தரை இறங்க கட்டுப்பாட்டு அறை அதிகாரிகள் அனுமதி கொடுத்தனர், இதையடுத்து விமானம் பாதுகாப்பாக தரையிறக்கப்பட்டது.
விமானத்தில் ஏற்பட்ட இயந்திர கோளாறை பொறியாளர்கள் சரி செய்த பிறகு அந்த விமானம் கொழும்பு சென்றது.