மதுராந்தகம்: படாளம் சர்க்கரை ஆலையில் நடைபெற்றுள்ள முறைகேடுகள் மீது நடவடிக்கை எடுக்கப்படும் என மதுராந்தகத்தில் போட்டியிடும் நாம் தமிழர் கட்சி வேட்பாளர் ஜானகிராமன் வாக்குறுதியளித்தார்.
இத்தொகுதியில் நாம் தமிழர் கட்சி சார்பில் கடந்த பொதுத்தேர்தலில் போட்டியிட்ட ஜானகிராமன் மீண்டும் போட்டியிடுகிறார். கடந்த பொதுத்தேர்தலின்போது 4,950 வாக்குகள் பெற்றார். தற்போது, இடைத்தேர்தலில் மீண்டும் போட்டியிடும் அவர் தீவிர வாக்கு சேகரிப்பில் ஈடுபட்டு வருகிறார்.
இதன்படி, ஒழவெட்டி மற்றும் அதன் சுற்றுப்புற கிராமப் பகுதிகளில் பிரச்சாரத்தில் ஈடுபட்ட அவர், சட்டவிரோத கல்குவாரிகள் மூடப்படும், படாளம் கூட்டுறவு சர்க்கரை ஆலை முறைகேடுகள் மீது நடவடிக்கை எடுக்கப்படும், தொழிலாளர்களின்கோரிக்கைகளும் நிறைவேற்றப்படும் என வாக்குறுதி அளித்து வாக்கு சேகரித்தார்.