தமிழகம்

மேற்கு மாம்பலம் பெருமாள் கோயிலின் ரூ.8.30 கோடி மதிப்பிலான ஆக்கிரமிப்பு நிலம் மீட்பு

செய்திப்பிரிவு

சென்னை: தியாக​ராய நகர் பர்​கிட் சாலை​யில் ஆக்​கிரமிப்​பில் இருந்த மேற்கு மாம்​பலம் பாஷ்யகார ஆதிசென்ன கேசவப் பெரு​மாள் கோயிலுக்​குச் சொந்​த​மான ரூ.8.30 கோடி மதிப்​பிலான நிலம் மீட்​கப்​பட்டு, கோயில் நிர்​வாகத்​திடம் ஒப்​படைக்​கப்​பட்​டுள்​ளது.

இந்து சமய அறநிலை​யத் துறை அமைச்​சர் ரமேஷ் அறி​வுறுத்​தலின்​படி, கோயில்​களுக்​குச் சொந்​த​மான சொத்​துகளை ஆக்​கிரமிப்​பாளர்​களிடம் இருந்து மீட்க தொடர்ந்து நட​வடிக்கை எடுக்​கப்​பட்டு வரு​கிறது.

அந்த வகை​யில், தியாக​ராய நகர் பர்​கிட் சாலை​யில் ஆக்​கிரமிப்​பில் இருந்த மேற்கு மாம்​பலம் பாஷ்யகார ஆதிசென்ன கேசவப் பெருமாள் கோயிலுக்​குச் சொந்​த​மான 4,061 சதுரஅடி நிலம் மீட்​கப்​பட்​டது.

சென்னை மாநகர உரிமையியல் நீதி​மன்ற உத்​தரவுப்​படி, அறநிலை​யத் துறை, வரு​வாய்த் துறை, காவல் துறை அலு​வலர்​கள், கோயில் பணி​யாளர்​கள் முன்​னிலை​யில், ஆக்​கிரமிப்பு நிலம் மீட்​கப்​பட்டு நேற்று கோயில் வசம் ஒப்​படைக்​கப்​பட்​டது.

மீட்​கப்​பட்ட நிலத்​தின் தற்​போதைய சந்தை மதிப்பு ரூ.8.30 கோடி என தெரி​விக்​கப்​பட்​டுள்​ளது. கோயில்​களுக்​குச் சொந்​த​மான சொத்​துகளைப் பாது​காத்​தல், ஆக்​கிரமிப்​பு​களை அகற்​றுதல், மீட்​கப்​படும் சொத்​துகளை மீண்​டும் கோயில் நிர்​வாகத்​தின் வசம் ஒப்​படைத்​தல் ஆகிய நட​வடிக்​கைகளை இந்து சமய அறநிலை​யத் துறை தொடர்ந்து மேற்​கொண்டு வரு​கிறது.

Amazon.in: ஆன்லைன் ஷாப்பிங் - இலவச ஷிப்பிங் வசதி.

SCROLL FOR NEXT