சென்னை: தன்னைப் பற்றி அவதூறான கருத்துகளை வெளியிட்டதாக கூறி பிரபல யூடியூபர் சவுக்கு சங்கர் மீது தனியார் தொலைக்காட்சி செய்தி வாசிப்பாளர் ஒருவர் 2013-ம் ஆண்டு புகார் அளித்தார்.
அதன்பேரில் போலீஸார் சவுக்கு சங்கர் மீது வழக்குப்பதிவு செய்தனர். இந்த வழக்கு விசாரணை சென்னை எழும்பூர் கூடுதல் தலைமை பெருநகர குற்றவியல் நடுவர் நீதிமன்றத்தில் நடைபெற்று வந்த நிலையில், சவுக்கு சங்கருக்கு 3 ஆண்டுகள் சிறை தண்டனை விதித்து நீதிபதி சிவசக்தி தீர்ப்பளித்தார்.
இந்த உத்தரவை எதிர்த்து, சவுக்கு சங்கர் மேல்முறையீடு செய்வதற்கு 30 நாட்கள் அவகாசம் வழங்கிய நீதிபதி, அதுவரை தண்டனையை நிறுத்தி வைத்து உத்தரவிட்டார்.