சென்னை: விவசாயிகளின் கோரிக்கைகளை அரசு நிறைவேற்ற வலியுறுத்தி ஆகஸ்ட் 3-ம் தேதி தஞ்சாவூரில் திமுக சார்பில் கண்டன ஆர்ப்பாட்டம் நடைபெறும் என அக்கட்சியின் தலைவர் மு.க.ஸ்டாலின் அறிவித்துள்ளார்.
இதுகுறித்து அவர் வெளி யிட்டுள்ள அறிக்கை: விவசாயிகளின் பயிர்க் கடன்களை முழுமையாகவும், பகுதியாகவும் தள்ளுபடி செய்வதாக வாக்குறுதி அளித்து, ஆட்சிக்கு வந்த தவெக, வாக்குறுதிகள் முழுமையாக நிறைவேற்றப்படாததால் விவசாயிகள் போராட்டத்தில் ஈடுபட்டு வருகின்றனர்.
அதேபோல், மேகேதாட்டு அணை விவகாரத்தில் அனைத்துக் கட்சிக் கூட்டம் மற்றும் விவசாயச் சங்க பிரதிநிதிகளுடன் ஆலோசனைக் கூட்டம் நடத்த வேண்டும் என பல்வேறு தரப்பினர் கோரிக்கை விடுத்தும் அதனை அரசு புறக்கணித்து வருகிறது.
மேலும், மேட்டூர் அணை திறக்கப்படாததால் இந்த ஆண்டு குறுவை சாகுபடி கடுமையாக பாதிக்கப்பட்டுள்ளது. இதையடுத்து, பாதிக்கப்பட்ட விவசாயிகளுக்கு ஏக்கருக்கு ரூ.25 ஆயிரம் சிறப்பு நிவாரணம், பயிர்க் காப்பீடு பிரீமியத்தை அரசு முழுமையாக ஏற்றுக்கொள்ளுதல், சம்பா சாகுபடிக்குத் தேவையான விதை, உரம், பூச்சிக்கொல்லி உள்ளிட்ட இடுபொருட்களை மானியமாக வழங்குதல் உள்ளிட்ட நிவாரண தொகுப்புகளை அரசு காலம் தாழ்த்தாமல் வழங்க வேண்டும்.
அதன்படி, விவசாயிகளின் கோரிக்கைகளை நிறைவேற்றிடவும், காவிரி உரிமை, மேகேதாட்டு அணை விவகாரத்தில் தமிழக அரசு அமைதி காத்து வரு வதைக் கண்டித்தும் ஆக.3-ம் தேதி காலை 10 மணியளவில் தஞ்சாவூர் பனகல் கட்டடிடம் அருகே திமுக.
சார்பில் திமுக இளைஞரணி செயலாளரும், எதிர்க்கட்சித் தலைவருமான உதயநிதி ஸ்டாலின் தலைமையில் கண்டன ஆர்ப்பாட்டம் நடைபெறும்.
இந்த ஆர்ப்பாட்டம் விவசாயிகளின் குரலை கேட்காமல் இருக்கும் அரசின் கவனத்தை ஈர்க்கும் முதல்கட்ட நடவடிக்கைதான். அரசின் அமைதி தொடர்ந்தால் மிகப்பெரிய போராட்டத்தைச் சந்திக்க வேண்டியிருக்கும் என எச்சரிக்கை செய்கிறேன். இவ்வாறு அவர் கூறியுள்ளார்.