தமிழகம்

தமிழகம் வரும் அமித் ஷாவுக்கு எதிராக காங்கிரஸ் போராட்டம் அறிவிப்பு

வே.கோபாலகிருஷ்ணன்

சென்னை: ‘மத்திய உள்துறை அமைச்சர் அமித் ஷா தமிழகம் வரவுள்ள நிலையில், அவரை கண்டித்து சத்தியாகிரக போராட்டம் நடத்தப்படும்’ என தமிழக காங்கிரஸ் அறிவித்துள்ளது.

இது குறித்து அக்கட்சி வெளியிட்ட அறிக்கையில், ‘தமிழகம் உள்ளிட்ட தென்மாநில மக்களின் உரிமைகளை பறிக்கின்ற வகையில் மக்களவை தொகுதி மறுவரையறை செய்ய ஒன்றிய மத்திய பாஜக அரசு திட்டமிட்டு செயல்பட்டு வருகிறது.

இதன்மூலம், தமிழகத்தின் மக்களவை தொகுதிகளின் எண்ணிக்கையை குறைப்பதில் தீவிரமாக உள்ளனர். சமீபத்தில் நீட் தேர்வு வினாத்தாள் கசிவினால் பாதிக்கப்பட்ட மாணவர்கள் டெல்லியில் போராட்டம் நடத்தினார்கள்.

அவர்கள் மீது பாஜக அரசு பயங்கரமான வன்முறை தாக்குதலை கட்டவிழ்த்து விட்டது. மாணவர்கள் மீது நடத்தப்பட்ட இந்த தாக்குதலுக்கும், துப்பாக்கிச் சூட்டிற்கும் உத்தரவிட்டது யார் என்பதை முதலில் தெளிவுபடுத்த வேண்டும்.

அயோத்தி ராமர் கோயிலில் நடந்த நன்கொடை திருட்டுக்கு துணை போன ஆளும் பாஜக மாணவர்கள் மீது துப்பாக்கிச் சூட்டிற்கு உத்தரவிட்டது யார் என்ற ராகுல்காந்தியின் கேள்விக்கு உள்துறை அமைச்சர் பதில் சொல்ல இதுவரை முன்வரவில்லை.

இந்நிலையில் அமித் ஷா சென்னை வரும்போது நாளை (19.08.2026) மாலை 5.00 மணியளவில், சென்னை எழும்பூர் ராஜரத்தினம் விளையாட்டரங்கம் அருகில் சத்தியாகிரகப் போராட்டம் சென்னை, திருவள்ளுர், செங்கல்பட்டு, காஞ்சிபுரம் மாவட்ட காங்கிரஸ் சார்பாக மாநில தலைவர் மாணிக்கம் தாகூர் தலைமையில் நடைபெறும்’ என்று தெரிவிக்கப்பட்டுள்ளது.

Amazon.in: ஆன்லைன் ஷாப்பிங் - இலவச ஷிப்பிங் வசதி.

SCROLL FOR NEXT