தமிழகம்

சோனியா காந்தியின் சுயசரிதை நூல் வெளியீட்டு விழா: முதல்வர் விஜய் இன்று டெல்லி பயணம்

செய்திப்பிரிவு

சென்னை: காங்​கிரஸ் மூத்த தலை​வர் சோனியா காந்தி​யின் சுயசரிதை நூல் வெளியீட்டு விழா​வில் பங்​கேற்​ப​தற்​காக முதல்​வர் விஜய் இன்று டெல்லி பயணம் மேற்​கொள்ள உள்​ளார்.

காங்​கிரஸ் மூத்த தலை​வர் சோனியா காந்​தி​யின் வாழ்க்கை அனுபவங்​கள், ‘பிலாங்​கிங்: ஏ ஜர்னி ஆஃப் லவ்’ (Belonging: A Journey of Love) எனும் சுயசரிதை நூலாகத் தொகுக்​கப்​பட்டு கடந்த நவ.10-ம் தேதி இந்​தியா முழு​வதும் விற்​பனைக்கு வந்​தது.

இதன் அதி​காரப்​பூர்வ வெளியீட்டு விழா டெல்​லி​யில் இன்று நடக்​கிறது. இதில் காங்​கிரஸ் தேசி​யத் தலை​வர் மல்​லிகார்​ஜுன கார்கே, மக்​களவை எதிர்க்​கட்​சித் தலை​வர் ராகுல், பிரியங்கா உள்​ளிட்ட மூத்த தலை​வர்​கள் பங்​கேற்கின்றனர்.

இதில் பங்​கேற்க ராகுல் காந்​தி​யின் அழைப்பை ஏற்று முதல்​வர் விஜய் டெல்லி செல்ல உள்ளார். சென்னை விமான நிலை​யத்​தில் இருந்து தனி விமானம் மூலம் இன்று செல்​லும் விஜய் டெல்​லி​யில் தமிழ்​நாடு இல்​லத்​தில் ஓய்வு எடுக்​கிறார்.

அதன்பின் விழாவுக்​குச் செல்​கிறார். பிறகு நிகழ்ச்​சியை முடித்​து​விட்டு இரவே தனி விமானத்தில் திரும்​புகிறார். முதல்​வ​ராகப் பதவி​யேற்ற பிறகு கடந்த ஜூன் மாதம் நிதி ஆயோக் கூட்​டத்​துக்​காக டெல்லி சென்ற விஜய், அப்​போது சோனியா மற்​றும் ராகுலை சந்​தித்​தார்.

அதன் தொடர்ச்​சி​யாக, இடைத்​தேர்​தல் வெற்​றிக்​குப் பிறகு கடந்த அக்.10-ம் தேதி சென்னை நீலாங்​கரையில் உள்ள முதல்​வர் விஜய் இல்​லத்​துக்கு ராகுல் வந்து நட்பு பாராட்டினார்.

இந்​நிலை​யில், சோனியா காந்​தி​யின் நூல் வெளியீட்டு விழா​வில் பங்​கேற்க முதல்​வர் விஜய் டெல்லி செல்​வது, இண்​டியா கூட்​ட​ணி​யில் தவெக-வின் பங்​களிப்

​பையும், காங்​கிரஸ் - தவெக உறவையும் மேலும் வலுப்​படுத்​தும் நிகழ்​வாகவும் பார்க்​கப்​படு​கிறது.

அதேநேரத்​தில், காவி​ரி​யின் குறுக்கே கர்​நாடக காங்​கிரஸ் அரசு அணை கட்ட முயல்​வதற்​குத் தமிழக அரசு எதிர்ப்​புத் தெரி​வித்து வரும் சூழலில், இந்த நிகழ்ச்​சி​யில் கர்​நாடக முதல்​வர் டி.கே.சிவகுமாரும், முதல்​வர் விஜய்​யும் ஒரே நிகழ்ச்​சி​யில் பங்​கேற்க இருப்​ப​தால் மேகேதாட்டு விவகாரம் குறித்து விவாதிக்​கப்​படலாம் என தகவல்​கள் வெளியாகி உள்ளன.

Amazon.in: ஆன்லைன் ஷாப்பிங் - இலவச ஷிப்பிங் வசதி.

SCROLL FOR NEXT