குடி​யிருப்​பு, வணிக தொழிற்​சாலை கட்​டிடங்​களுக்கு அனுமதி வழங்கும் நடைமுறையில் மாற்றம்

சென்னை: குடி​யிருப்​பு, வணிக, தொழிற்​சாலைக் கட்டிடங்களுக்கு மூன்​றாம் தரப்பு சான்​றளிப்பு மூலம் கட்​டிட அனுமதி வழங்​குதல் மற்​றும் உள்​ளாட்சி அமைப்​பு​களுக்கு கட்​டிட அனுமதிக்​கான உச்ச வரம்பு உயர்வு ஆகிய​வற்​றுக்கு அரசாணை வெளியிடப்​பட்​டுள்​ளது.

சட்​டப்​பேர​வை​யில் வீட்​டு​வச​தித்​துறை மானிய கோரிக்​கை​யின் போது, “குடி​யிருப்​புக் கட்​டிடங்​கள், வணி​கக் கட்​டிடங்​கள், சிட்​கோ, சிப்​காட், எல்​காட் மற்​றும் ஒப்​புதல் அளிக்​கப்​பட்ட தொழிற்​சாலை மனைப்​பிரிவு​களில் அமை​யும் தொழிற்​சாலை கட்​டிடங்​களுக்கு மூன்​றாம் தரப்பு சான்​றளிப்பு மூலம் கட்​டிட அனு​மதி வழங்​கும் நடை​முறை அறி​முகப்​படுத்​தப்​படும்” என அமைச்​சர் ராஜ்குமார் அறி​வித்​தார். இதன் அடிப்​படை​யில், வீட்​டு​வச​தித்​துறை​யில் அரசாணை பிறப்​பிக்​கப்​பட்​டுள்​ளது.

அதன்​படி, 8,070 சதுர அடி (750 ச.மீ.) எப்​எஸ்ஐ பரப்​பளவு வரை உள்ள குடி​யிருப்​புக் கட்​டிடங்​களுக்கு இந்த நடை​முறை பொருந்​தும். இதன்​மூலம் பொது​மக்​கள் உள்​ளாட்சி அலு​வல​கங்​களுக்​குச் செல்​லாமலேயே கட்​டிட அனு​மதி பெறலாம்.

மேலும், 3,230 சதுரஅடி (300 ச.மீ.) எப்​எஸ்ஐ பரப்​பளவு வரை உள்ள வணி​கக் கட்​டிடங்​களுக்கு இந்த நடை​முறை அறி​முகப்​படுத்​தப்​படு​கிறது. தொழிற்​சாலை கட்​டிடங்​களை பொறுத்​தவரை, சிட்​கோ, சிப்​காட், எல்​காட் மற்​றும் ஒப்​புதல் அளிக்​கப்​பட்ட தொழிற்​சாலை மனைப்​பிரிவு​களில் அமை​யும் 26,900 சதுரஅடி (2,500 ச.மீ.) பரப்​பளவு வரை உள்ள கட்​டிடங்​களுக்கு இந்த நடை​முறை கொண்டு​வரப்​படு​கிறது.

இம்​முறை​யில், தமிழ்​நாடு ஒற்​றைச்​சாளர இணை​யதளத்​தில் பதிவு செய்​யப்​பட்ட கட்​டிடக்​கலை வல்​லுநர்​கள் அல்​லது Grade-I பதிவு செய்த பொறி​யாளர்​கள் மூன்​றாம் தரப்​பாக செயல்​பட்​டு, தள ஆய்​வு, ஆவண சரி​பார்ப்​பு, விதி​முறை இணக்​கத்தை உறு​தி​செய்​தல் மற்​றும் மின்​னணு சான்​றிதழ் வழங்​குதல் ஆகிய​வற்றை மேற்​கொள்​வர்.

அதி​காரப்​பகிர்வு

மாநக​ராட்​சிகள் மற்​றும் நகராட்​சிகளின் குடி​யிருப்​புக் கட்​டிட அனு​ம​திக்​கான அதி​காரம், தற்​போதுள்ள 10 ஆயிரம் சதுர அடியி​லிருந்து 16,140 சதுர அடி​யாக (1,500 ச.மீ.) உயர்த்​தப்​படு​கிறது.

பேரூ​ராட்​சிகள், கிராம ஊராட்​சிகள் அமைப்​பு​களுக்​கான கட்​டிட அனு​ம​திக்​கான அதி​காரம் 10 ஆயிரம் சதுர அடியி​லிருந்து 12,912 சதுர அடி​யாக (1,200 ச.மீ.) உயர்த்​தப்​படுகிறது.

அனைத்து உள்​ளாட்சி அமைப்​பு​களுக்​கும் வணி​கக் கட்​டிட அனு​ம​திக்​கான அதி​காரம், 2,000 சதுர அடியி​லிருந்து 5,380 சதுர அடி​யாக (500 ச.மீ.) உயர்த்​தப்​படு​கிறது. இதன்​மூலம் சிறிய அளவி​லான கட்​டிடங்​களுக்கு எளிதாக அனு​மதி பெறலாம். இவ்​வாறு அதில்​ கூறப்​பட்டுள்​ளது.