திருவொற்றியூர் தொகுதியில் தீவிர வாக்கு சேகரிப்பில் வேட்பாளர்கள் - களம் எப்படி?

திரு​வொற்​றியூர் சட்​டப்​பேரவை தொகு​தி​யில் திமுக கூட்​டணி​யில் மார்க்​சிஸ்ட் கம்​யூனிஸ்ட், அதி​முக, நாம் தமி​ழர் கட்​சி, தமிழக வெற்றி கழகம் உள்​ளிட்ட கட்​சிகள் மற்​றும் சுயேட்சை வேட்​பாளர்​கள் என 15 பேர் களத்​தில் உள்​ளனர்.

மார்க்சிஸ்ட் கம்யூனிஸ்ட் - எல்.சுந்தர்ராஜன்

மார்க்சிஸ்ட் கம்யூனிஸ்ட் வேட்பாளர் எல்.சுந்தர்ராஜன், ஒப்பந்த தொழிலாளராக தனது வாழ்க்கையைத் தொடங்கி, பின்னர் தொழிற்சங்க பணிகளில் முழுமையாக ஈடுபடுத்திக் கொண்டவர்.

எம்எல்ஏவாக தேர்ந்தெடுக்கப்பட்டால் முதல் வேலையாக அனைத்து வீடுகளுக்கும் 24 நேரமும் குடிநீர் கிடைக்க நடவடிக்கை எடுப்பதாகவும், தொழிலாளர்கள், மீனவர்களுக்கு நியாயமான உரிமைகள் கிடைக்கவும், அவர்கள் வாழ்வு மேம்படுத்தும் பணிகளை மேற்கொள்வேன் எனவும் கூறி வாக்கு சேகரிக்கிறார்.

அதிமுக - கே.குப்பன்

அதிமுக வேட்பாளரான கே.குப்பன், அதிமுக ஆட்சியில் செயல்படுத்தப்பட்ட நலத்திடங்களை முன்வைத்து தீவிர பிரச்சாரம் மேற்கொள்கிறார்.

மேலும், மீனவர்களுக்கு இலவசமாக தரமான வீடுகள் அதிமுக ஆட்சியில் கட்டிகொடுக்கப்பட்டதாகவும், மீனவர்களுக்கு மீன்பிடி தடைக்கால உதவித்தொகை ரூ.8 ஆயிரத்தில் இருந்து ரூ.12 ஆயிரமாக உயர்த்தப்படும் எனவும் வாக்குறுதி அளித்து பிரச்சாரம் செய்து வருகிறார்.

நாம் தமிழர் கட்சி - சத்யா பாஸ்கர்

நாம் தமிழர் கட்சி வேட்பாளரான சத்யா பாஸ்கர், மணலி, எண்ணூரில் உள்ள தொழிற்சாலைகளைக் கண்காணித்து மாசுபாட்டை கட்டுப்படுத்த நடவடிக்கை எடுக்கப்படும்.

அரசு பள்ளிகளில் உள்கட்டமைப்பு மேம்படுத்தப்படும், மிக முக்கியமாக தொகுதியில் உள்ள அனைத்து டாஸ்மாக் கடைகளும் அகற்றப்படும் என வாக்குறுதி அளித்து பரப்புரை செய்து வருகிறார்.

தமிழக வெற்றிக் கழகம் - செந்தில்குமார்

தவெக வேட்பாளரான செந்தில்குமார், மீனவர்களின் வாழ்வாதாரத்தை மேம்படுத்தும் வகையில் சிறப்பு திட்டங்கள் செயல்படுத்தப்படும். இளைஞர்களுக்காக திறன் மேம்பாட்டு பயிற்சி மையம் அமைக்கப்படும்.

சுற்றுச்சூழல் சீர்கேடுகளுக்குத் தீர்வு, அபாயகரமான ரசாயன தொழிற்சாலை அகற்றப்படும் என வாக்குறுதி அளித்து நம்பிக்கையுடன் பிரச்சாரம் செய்து வருகிறார்.

வாக்​குப்​ப​திவுக்கு சில தினங்​களே உள்ள நிலை​யில் திருவொற்றியூர் தொகு​தி​யில் வெற்றி யார் பக்​கம் என்​ப​தில் கடும் போட்டி நில​வு​கிறது.