உச்ச நீதிமன்ற நீதிபதி பதவிக்கு நீதிபதி எம்.எம்.சுந்தரேஷ் பெயர் பரிந்துரை

சென்னை உயர் நீதிமன்றத்தில் மூத்த நீதிபதியாகப் பணியாற்றி வரும் எம்.எம்.சுந்தரேஷை உச்ச நீதிமன்ற நீதிபதியாக நியமிக்க குடியரசுத் தலைவருக்கு உச்சநீதிமன்றம் பரிந்துரை செய்துள் ளது.

சென்னை உயர் நீதிமன்றத்தில் தலைமை நீதிபதி சஞ்ஜிப் பானர்ஜிமற்றும் நீதிபதி என்.கிருபாகரன் ஆகியோருக்கு அடுத்தபடியாக 3-வது மூத்த நீதிபதியாக பதவி வகிப்பவர் எம்.எம்.சுந்தரேஷ்(59).

கொலீஜியம் பரிந்துரை

இதில் என்.கிருபாகரன் நேற்று டன் பணி ஓய்வு பெற்றுள்ள நிலையில், மூத்த நீதிபதி எம்.எம்.சுந்தரேஷ் உள்ளிட்ட 9 பேரைஉச்ச நீதிமன்ற நீதிபதியாக நியமிக்க, உச்ச நீதிமன்ற தலைமைநீதிபதி தலைமையிலான கொலீஜியம், குடியரசுத் தலைவருக்கு பரிந்துரை செய்துள்ளது. குடியரசுத் தலைவர் ஒப்புதல் அளித்ததும் விரைவில் இவர் உச்ச நீதிமன்ற நீதிபதியாக நிய மிக்கப்படுவார்.

நீதிபதி எம்.எம்.சுந்தரேஷ், கடந்த 1962 ஜூலை 21-ம் தேதிஈரோட்டில் பிறந்தவர். பள்ளிப்படிப்பை ஈரோட்டில் முடித்த இவர்,சென்னை லயோலா கல்லூரியில்பிஏ பட்டப்படிப்பையும், சட்டப்படிப்பை மெட்ராஸ் சட்டக்கல்லூரியிலும் முடித்துள்ளார். 1985-ம்ஆண்டு வழக்கறிஞராகப் பதிவுசெய்த இவர், 1991-96 காலகட்டத்தில் அரசு வழக்கறிஞராகப் பணியாற்றினார். குற்றவியல் மற்றும் உரிமையியல் வழக்குகளில் அதிக அனுபவமிக்கவர்.

சென்னை உயர் நீதிமன்றத்தில் கடந்த 2009-ம் ஆண்டு கூடுதல் நீதிபதியாக நியமிக்கப்பட்ட எம்.எம்.சுந்தரேஷ், 2011-ம் ஆண்டுநிரந்தர நீதிபதியாக நியமிக்கப்பட்டார். இந்நிலையில் தற்போது உச்ச நீதிமன்ற நீதிபதியாக நிய மிக்கப்படவுள்ளார்.