உள்ளாட்சிப் பதவிகளில் பெண் களுக்கு 50 சதவீத இட ஒதுக்கீட்டை கட்டாயமாக்குவது என்பது விதி 110-வது கீழ் வெளியிட்ட அறிவிப்பு அல்ல. சட்டப்பேரவையில் ஏகமன தாக நிறைவேற்றப்பட்ட சட்டத் திருத்தம் என அமைச்சர் எஸ்.பி.வேலுமணி தெரிவித்துள்ளார்.
இது தொடர்பாக, அவர் நேற்று வெளியிட்ட அறிக்கை:
பெண்களுக்கான 50 சதவீத இட ஒதுக்கீட்டை 110-வது விதி அறிவிப் பால் நிறைவேற்ற முடியாது என கனிமொழி எம்.பி. தெரிவித்துள்ளார். இது, விதி 110-ன் கீழ் முதல்வர் ஜெயலலிதா வெளியிட்ட அறிவிப்பு அல்ல. சட்டப்பேரவையில் தாக்கல் செய்யப்பட்ட சட்டத்திருத்த சட்ட முன்வடிவாகும். இந்த சட்ட முன் வடிவு, கடந்த 20-ம் தேதி என் னால் சட்டப்பேரவையில் கொண்டு வரப்பட்டு, ஆய்வு செய்யப்பட்டு பின்னர் ஏகமனதாக நிறைவேற்றப் பட்டது.
உள்ளாட்சி அமைப்புகளில் தேர்தல் நடக்கவும், அதில் பங் கேற்று பதவியில் அமரவும் இன்னும் 8 மாதங்கள் உள்ளன. எனவே, அமல்படுத்த முடியாமல் போகுமோ என்ற அச்சம் தேவையில்லை. வெகு விரைவில் சட்ட முன்வடிவு சட்டமாக்கப்படும். இச்சட்டப்படி இந்த ஆண்டு அக்டோபரில் நடக்கும் உள்ளாட்சி அமைப்புகளுக்கான தேர்தல்களில் பெருமளவு பெண்கள் பங்கேற்று வெற்றி பெறுவர்.
இவ்வாறு அமைச்சர் தெரிவித்துள்ளார்.