வடக்கு உள்தமிழகத்தில் இருந்து வடக்கு உள்கர்நாடகம் வரை வளிமண்டலச் சுழற்சி நிலவுவதால் லேசான மழைக்கு வாய்ப்புள்ளது என தமிழகத்தின் மழை நிலவரம் குறித்து சென்னை வானிலை ஆய்வு மையம் தெரிவித்துள்ளது.
இதுகுறித்து சென்னை வானிலை ஆய்வு மையம் வெளியிட்ட தகவல்:
''கடந்த 24 மணிநேரத்தில் நீலகிரி மாவட்டம் பர்லியார் பகுதியில் 4 செ.மீ. மழையும், திருவள்ளூர் மாவட்டம் தாமரைப்பாக்கம் பகுதியில் 3 செ.மீ. மழையும் பதிவாகியுள்ளது.
சென்னையைப் பொறுத்தவரை வானம் மேகமூட்டத்துடன் காணப்படும். நகரின் ஒருசில பகுதிகளில் மழைக்கு வாய்ப்புள்ளது. அதிகபட்ச வெப்பநிலை 31 டிகிரி செல்சியஸ். குறைந்தபட்ச வெப்பநிலை 24 டிகிரி செல்சியஸ் ஆக இருக்கும்.
வடக்கு உள்தமிழகத்தில் இருந்து வடக்கு உள்கர்நாடகம் வரை வளிமண்டலச் சுழற்சி நிலவுவதால் அடுத்த 24 மணிநேரத்தைப் பொறுத்தவரை தமிழகம் மற்றும் புதுவையில் ஓரிரு இடங்களில் லேசான மழைக்கு வாய்ப்புள்ளது. மீனவர்களுக்கான எச்சரிக்கை ஏதுமில்லை''.
இவ்வாறு சென்னை வானிலை ஆய்வு மையம் தெரிவித்துள்ளது.