இங்கிலாந்து நாட்டின் 5 செயற்கைகோள்களை தாங்கிய பிஎஸ்எல்வி-சி 28: ஸ்ரீஹரிகோட்டாவிலிருந்து 10-ம் தேதி விண்ணில் ஏவப்படுகிறது

இங்கிலாந்தின் 5 செயற்கை கோள் களை தாங்கிய இந்தியாவின் பிஎஸ்எல்வி- சி 28 ராக்கெட் ஸ்ரீஹரிகோட்டாவிலிருந்து வரும் 10-ம் தேதி விண்ணில் ஏவப் படவுள்ளது.

இது தொடர்பாக இஸ்ரோ நிறுவனம் தனது இணைய தளத்தில் கூறியுள்ளதாவது :

இங்கிலாந்தின் 5 செயற்கை கோள்களை இந்தியாவின் பிஎஸ்எல்வி- சி 28 ராக்கெட் மூலம் விண்ணில் ஏவ இஸ்ரோ முடிவு செய்துள்ளது. அந்த 5 செயற்கைகோள்களும் ஸ்ரீஹரி கோட்டாவிலிருந்து வரும் 10-ம் தேதி விண்ணில் ஏவப்படவுள் ளன.

இங்கிலாந்தின் சர்ரே செயற்கைகோள்கள் தயாரிப்பு நிறுவனம் டிஎம்சி3-1, டிஎம்சி3-2, டிஎம்சி3-3 ஆகிய மூன்று செயற்கைகோள்களை தயாரித் துள்ளது. அந்த செயற்கை கோள்கள் மூன்றுமே தலா 477 கிலோ எடையுள்ளனவாகும். அவை 3 மீட்டர் நீளம் உள்ளது குறிப்பிடத்தக்கது. இது தவிர இங்கிலாந்தில் தயாரித்துள்ள சிபிஎன்டி-1 என்னும் 91 கிலோ எடை கொண்ட துணை செயற்கை கோளும், டி-ஆர்பிட்செல் என்னும் 7 கிலோ எடை கொண்ட நுண் செயற்கைகோளும் மேற்சொன்ன 3 செயற்கைகோள்களுடன் விண்ணில் ஏவப்படவுள்ளன.

பூமியில் உள்ள இயற்கை வளங்களை ஆய்வு செய்வது, பேரிடர்களை கண்காணிப்பது, புவி வளம், மண் வளம் போன்றவற்றை ஆய்வு செய்வது போன்ற பணிகளை இந்த செயற்கை கோள்கள் மேற்கொள்ளவுள்ளன.

இவ்வாறு இஸ்ரோ இணையதளத்தில் கூறப்பட்டுள் ளது.