ஆர்.கே. நகர் தொகுதி இடைத் தேர்தலில் போட்டியிடுவது குறித்து மக்கள் நலக் கூட்டணி கட்சிகள் கூடி முடிவெடுக்கப்படும் என்று மார்க்சிஸ்ட் கம்யூனிஸ்ட் கட்சி யின் மாநிலச் செயலாளர் ஜி.ராமகிருஷ்ணன் தெரிவித்தார்.
திருவாரூரில் நேற்று அவர், ‘தி இந்து’விடம் கூறியது: ஆர்.கே.நகர் இடைத்தேர்தல் வரும் ஏப்ரல்12-ம் தேதி நடைபெறும் என அறி விக்கப்பட்டுள்ளது. இதுகுறித்து நாளை (இன்று) சென்னையில் மார்க்சிஸ்ட் கம்யூனிஸ்ட் கட்சி யின் செயற்குழுவில் விவாதிக்க வுள்ளோம்.
அதைத்தொடர்ந்து மக்கள் நலக் கூட்டணியில் உள்ள மற்ற 2 கட்சிகளிடமும் விவாதித்து முடிவு எடுப்போம். மக்கள் நலக் கூட்டணி தற்போது கூட்டியக்கமாக செயல்பட்டு வருகிறது. தற்போதுகூட நெடுவாசல் திட்டத்தை எதிர்த்து அந்த பகுதியில் தனித்தனியாகவும், சேர்ந்தும் போராட்டங்களை நடத்தி யுள்ளோம் என்றார்.