யோகி ராம்சுரத்குமார் நூற்றாண்டு விழா: சிறப்பு தபால்தலை வெளியாகிறது

யோகி ராம்சுரத்குமாரின் நூற்றாண்டு விழாவை போற்றும் வகையில் ஆன்மீக ஊர்வலம், சிறப்பு தபால்தலை வெளியீடு ஆகிய நிகழ்ச்சிகளுக்கு ஏற்பாடு செய்யப்பட்டுள்ளது.

உத்தரப்பிரதேச மாநிலம் பலியா மாவட்டத்தில் கங்கை கரையில் அமைந்துள்ள நர்தரா என்ற அழகிய கிராமத்தில், ராம்தத் குவார் - குசும்தேவி தம்பதிக்கு 2-வது மகனாக 1-12-1918-ம் ஆண்டு பிறந்தார் பகவான் யோகி ராம்சுரத்குமார். அவர், திருவண்ணாமலைக்கு 1959-ல் வந்தார்.

ரயில் நிலைய புன்னை மரத்தடியில் 17 ஆண்டுகள் கழித்த அவர், பக்தர்களின் வேண்டுகோளை ஏற்று, சந்நதி தெருவில் உள்ள வீட்டில் 1976-ம் ஆண்டு முதல் வசிக்கத் தொடங்கினார். சந்நதி தெருவில் பக்தர்களுக்கு உபதேசங்கள் மற்றும் ஆசீர்வாதம் வழங்கி வந்தார். அவரது ஆன்மா 20-02-2001-ம் ஆண்டு வெளியேறியது. அவர் வாழ்ந்த வீட்டில், அவர் பயன்படுத்திய பொருட்கள் அனைத்தும் பக்தர்கள் பார்வைக்கு வைக்கப்பட்டுள்ளன.

யோகி ராம்சுரத்குமாரின் நூற்றாண்டு ஜெயந்தி விழா கடந்த ஓராண்டாக கொண்டாடப் பட்டு வருகிறது. அவரது பிறந்த நாளான இன்று (டிசம்பர் 1-ம் தேதி) 3 ஆயிரம் பக்தர்கள் பங்கேற்கும் ஆன்மீக ஊர்வலம் நடைபெற உள் ளது. மேலும், பகவானின் சிறப்பு தபால்தலை வெளியிடப்பட உள்ளது. இதையடுத்து, பகவா னின் உற்சவ திருமேனி நாளை (2-ம் தேதி) கிரிவலப் பாதையை சுற்றிவர உள்ளது.