அரசு மேல்நிலைப் பள்ளிகளில் முதுகலை பட்டதாரி ஆசிரியர் மற்றும் உடற்கல்வி இயக்குனர் பணிகளில் 2,895 காலியிடங்களை நிரப்ப ஆசிரியர் தேர்வு வாரியம் கடந்த ஆண்டு ஜூலையில் போட்டித் தேர்வு நடத்தியது. இதன் முடிவு அக்டோபரில் வெளியிடப்பட்டது. இயற்பியல், வணிகவியல், பொருளாதாரம் ஆகிய 3 பாடங்களுக்கு திருத்தப்பட்ட புதிய முடிவு வெளியிடப் பட்டு, கடந்த 14-ம் தேதி மறு சான்றிதழ் சரிபார்ப்பு நடத்தப்பட்டது.
இந்நிலையில், மேற்கண்ட 3 பாடங்களுக்கு தேர்வு செய்யப்பட்ட முதுகலை ஆசிரியர்கள் தேர்வு பட்டியலை ஆசிரியர் தேர்வு வாரியம் இணையதளத்தில் (www.trb.tn.nic.in) திங்கள்கிழமை இரவு வெளியிட்டது. தேர்வு செய்யப் பட்டவர்களுக்கு பணிநியமன உத்தரவு, பள்ளிக்கல்வி இயக்குனர் மூலம் தனியே வழங்கப்படும் என்று ஆசிரியர் தேர்வு வாரியத்தின் உறுப்பினர்-செயலர் தண்.வசுந்தராதேவி அறிவித்துள்ளார்.