சென்னை: பொதுமக்கள் குடிநீர், கழிவுநீர் வரி மற்றும் கட்டணங்களை செலுத்த ஏதுவாக சென்னை குடிநீர் வாரியத்தின் அனைத்து வசூல் மையங்களும் வரும் ஞாயிற்றுக்கிழமை (செப்.28-ம் தேதி) இயங்கும்.
இது தொடர்பாக சென்னை குடிநீர் வாரியம் வெளியிட்ட செய்திக்குறிப்பு: சென்னை குடிநீர் வாரியத்துக்கு பொதுமக்கள் செலுத்த வேண்டிய 2025-ம் ஆண்டு மார்ச் முதல் செப்டம்பர் மாதம் வரையிலான முதல் அரையாண்டுக்கான குடிநீர், கழிவுநீரகற்று வரி, கட்டணங்கள் மற்றும் நிலுவைத் தொகையை செப்டம்பர் மாதம் 30-ம் தேதிக்குள் செலுத்த வேண்டும்.
வரி செலுத்த ஏதுவாக அனைத்து பகுதி அலுவலகங்கள் மற்றும் தலைமை அலுவலகங்களில் இயங்கும் வசூல் மையங்கள் வரும் ஞாயிற்றுக்கிழமை (செப்.28) காலை 10.30 மணிமுதல் மதியம் 01.30 மணிவரை இயங்கும்.
மேலும், நுகர்வோர்கள் https://bnc.chennaimetrowater.in/#/public/cus-login என்ற வலைதளத்தைப் பயன்படுத்தி பணம் செலுத்தலாம். இ-சேவை மையங்கள், யூபிஐ உள்ளிட்ட பிற கட்டண முறைகளையும் பயன்படுத்தியும் குடிநீர், கழிவுநீரகற்று வரி மற்றும் கட்டணங்களைச் செலுத்தலாம். எனவே, நுகர்வோர் செப்.30-ம் தேதிக்குள் வரிகள் மற்றும் கட்டணங்களைச் செலுத்தி மேல்வரியைத் தவிர்க்கலாம்.