சென்னை: சென்னை உயர் நீதிமன்ற மூத்த நீதிபதி டி. கிருஷ்ணகுமாரை மணிப்பூர் மாநில உயர் நீதிமன்ற தலைமை நீதிபதியாக நியமிக்க உச்ச நீதிமன்ற கொலீஜியம் பரிந்துரை செய்துள்ளது.
சென்னை உயர் நீதிமன்றத்தின் மூத்த நீதிபதியாக பதவி வகித்து வரும் டி. கிருஷ்ணகுமாரை மணிப்பூர் மாநில உயர் நீதிமன்றத்தின் தலைமை நீதிபதியாக நியமிக்க உச்ச நீதிமன்ற கொலீஜியம் மத்திய அரசுக்கும், குடியரசுத் தலைவருக்கும் பரிந்துரை செய்துள்ளது.
நீதிபதி டி.கிருஷ்ணகுமார் சென்னை உயர் நீதிமன்றத்தில் ஏற்கெனவே பொறுப்பு தலைமை நீதிபதியாக பதவி வகித்தவர் என்பது குறிப்பிடத்தக்கது.