மினி ரிவ்யூ

பெரிய நடிகரின் படம் தயாரிக்கப்படும்போதே விற்பனையாவது போல சேத்தன் பகத்தின் “Half Girlfriend” நாவல் வெளியாவதற்கு முன்னமே படமாக்க ரைட்ஸ் வாங்கப்பட்டுவிட்டதாம். எல்லாம் 3 Idiots, Kai Po Che, 2 States போன்ற படங்களின் வெற்றியும், சேத்தன் பகத் என்ற மாயப் பெயருமே காரணம். இந்திய ஆங்கில எழுத்தாளர்களில் பெரிய மார்க்கெட்டைப் பிடித்து ட்ரெண்ட் செட்டராய் வலம் வருகிறவர். இவருடைய எல்லா நாவல்களையும் படித்திருக்கிறேன்.

கொஞ்சம் ரொமான்ஸ், ஒரு தடாலடி செக்ஸ், டெம்ப்ளேட்டான சினிமா பாணி திரைக்கதைகள், இலக்கியத் தரமில்லாத எழுத்து என்றெல்லாம் இவரைப் பற்றிய விமர்சனம் இருந்தாலும் எனக்கு சுவாரசியமான எழுத்தாளராகவே தெரிந்தார். சினிமாவின் ஆதிக்கம் பரவியதாலோ என்னவோ இவரது லேட்டஸ்ட் புத்தகம் படு சினிமாவாய் எழுதப்பட்டிருக்கிறது.

கொஞ்சம் 7ஜி ரெயின்போ காலனி, வாரணம் ஆயிரம், விண்ணைத் தாண்டி வருவாயா, என்பதுகளின் இந்தியக் காதல் படங்கள் எல்லாம் கலந்து கட்டிய கலவையாய் ரொம்பவே சினிமாத்தனமாய் இருக்கிறது. நாவல் சினிமாவாகலாம். சினிமா நாவலாகக் கூடாது.