விஜய் ஹசாரே தொடர் - அரை இறுதிக்கு முன்னேறியது கர்நாடகா; சவுராஷ்டிரா அணியும் அசத்தல்

பெங்​களூரு: விஜய் ஹசாரே ஒரு​நாள் கிரிக்​கெட் போட்டி தொடரின் கால் இறுதி ஆட்​டத்​தில் நேற்று பெங்​களூரு​வில் கர்​நாடகா - மும்பை அணி​கள் மோதின. முதலில் பேட் செய்த மும்பை அணி 50 ஓவர்​களில் 8 விக்​கெட்​கள் இழப்புக்கு 254 ரன்​கள் எடுத்​தது.

அதி​கபட்​ச​மாக ஷம்ஸ் முலானி 91 பந்துகளில், 8 பவுண்டரிகளு​டன் 86 ரன்​கள் எடுத்​தார். கேப்​டன் சிதேஷ் லாடு 38, சாய்​ராஜ் பாட்​டீல் 33, அங்​கிரிஷ் ரகு​வன்ஷி 27 ரன்கள் சேர்த்​தனர். கர்​நாடகா அணி சார்​பில் வித்​யாதர் பாட்​டீல் 3 விக்​கெட்​களை வீழ்த்​தி​னார். வித்​வத் கவேரப்​பா, அபிலாஷ் ஷெட்டி ஆகியோர் தலா 2 விக்​கெட்​களை கைப்பற்​றினர்.

255 ரன்​கள் இலக்​குடன் பேட் செய்த கர்​நாடகா அணி 33 ஓவர்​களில் ஒரு விக்​கெட் இழப்​புக்கு 187 ரன்கள் எடுத்​திருந்த போது மழை காரண​மாக ஆட்​டம் நிறுத்​தப்​பட்​டது. அப்​போது தேவ்​தத் படிக்கல் 95 பந்​துகளில், 11 பவுண்​டரி​களு​டன் 81 ரன்​களும், கருண் நாயர் 80 பந்​துகளில், 11 பவுண்டரிகளு​டன் 74 ரன்​களும் சேர்த்​திருந்​தனர். முன்னதாக கேப்​டன் மயங்க் அகர்​வால் 12 ரன்​களில் ஆட்டமிழந்​தார்.

தொடர் மழை காரண​மாக போட்​டியை மீண்​டும் தொடர முடி​யாத நிலை ஏற்​பட்​ட​தால் வெற்​றியை தீர்​மானிக்க ‘விஜேடி’ விதி​முறை கடைபிடிக்​கப்​பட்​டது. இதில் கர்​நாடகா அணி வெற்​றிக்கு 33 ஓவர்களில் 133 ரன்​கள் எடுத்​திருந்​தாலே போது​மான​தாக இருந்​தது. இதனால் கர்​நாடகா அணி 55 ரன்​கள் வித்​தி​யாசத்​தில் வெற்றி பெற்றதாக அறிவிக்​கப்​பட்​டது. ஆட்ட நாயக​னாக தேவ்​தத் படிக்கல் தேர்​வா​னார். கர்​நாடகா அணி, தொடர்ச்​சி​யாக 4-வது முறை​யாக அரை இறுதி சுற்​றில் கால்​ப​தித்​துள்​ளது.

சவு​ராஷ்டிரா அசத்​தல்: மற்​றொரு கால் இறு​தி​யில் உத்தர பிரதேசம் - சவு​ராஷ்டிரா அணி​கள் மோதின. இதில் முதலில் பேட் செய்த உத்தர பிரதேசம் அணி 50 ஓவர்​களில் 8 விக்​கெட்​கள் இழப்​புக்கு 310 ரன்​கள் குவித்​தது. அதிகபட்சமாக சமீர் ரிஸ்வி 77 பந்​துகளில், 2 சிக்​ஸர்​கள், 10 பவுண்​டரி​களு​டன் 88 ரன்​களும், அபிஷேக் கோஷ்​வாமி 82 பந்துகளில், 12 பவுண்​டரி​களு​டன் 88 ரன்​களும் விளாசினர். சவு​ராஷ்டிரா அணி தரப்​பில் சேத்​தன் சக்​காரியா 3 விக்கெட்​களை வீழ்த்​தி​னார்.

311 ரன்​கள் இலக்​குடன் பேட் செய்த சவு​ராஷ்டிரா அணி 40.1 ஓவர்​களில் 3 விக்​கெட்​கள் இழப்​புக்கு 238 ரன்​கள் எடுத்திருந்த போது மழை காரண​மாக ஆட்​டம் தடைபட்டது. அப்​போது ஹர்விக் தேசாய் 100, ஷிராக் ஜனி 40 ரன்​களு​டன் களத்​தில் இருந்​தனர். தொடர் மழை​யால் போட்​டியை மீண்​டும் தொடங்க முடி​யாமல் போனது.

இதனால் ‘விஜேடி’ விதி முறைப்​படி வெற்றி தீர்மானிக்கப்டடது. இதில் சவு​ராஷ்டிரா அணி 40.1 ஓவர்களில் 222 ரன்​கள் எடுத்​திருந்​தாலே வெற்​றிக்கு போதுமானதாக இருந்​தது. இதனால் சவு​ராஷ்டிரா அணி 17 ரன்​கள் வித்தி​யாசத்​தில்​ வெற்​றி பெற்​று அரை இறு​திக்​கு முன்​னேறியது.