சென்னை: தமிழகத்துக்கு எதிரான ரஞ்சி கிரிக்கெட் போட்டியின் லீக் ஆட்டத்தில் உத்தராகண்ட் 134 ரன்களுக்கு சுருண்டது.
தமிழகம், உத்தராகண்ட் அணிகளுக்கு இடையிலான ரஞ்சி லீக் கிரிக்கெட் போட்டி சென்னை சேப்பாக்கம் மைதானத்தில் நேற்று தொடங்கியது. முதலில் விளையாடிய உத்தராகண்ட் அணி 56.2 ஓவர்களில் 134 ரன்களுக்கு ஆட்டமிழந்தது. ஆரவ் மகாஜன் 8, தேகா நிஷ்சல் 3, குணால் சண்டேலா 6, லக்சயா ராஜேஷ் ராய்சந்தனி 15, அவ்னீஷ் சுதா 54, மயங்க் மிஸ்ரா 33, ஜன்மஜய் ஜோஷி 2 ரன்கள் சேர்த்தனர்.
தமிழக அணி தரப்பில் கேப்டன் ரவிஸ்ரீநிவாசன் சாய் கிஷோர், குர்ஜப்நீத் சிங் ஆகியோர் தலா 4 விக்கெட்களையும், ஜெகந்நாதன் ஹேம்சுதேஷன் ஒரு விக்கெட்டையும் வீழ்த்தினர். பின்னர் முதல் இன்னிங்ஸை விளையாடிய தமிழக அணி முதல் நாள் ஆட்ட நேர இறுதியில் 27 ஓவர்களில் 2 விக்கெட் இழப்புக்கு 85 ரன்கள் எடுத்துள்ளது.
விமல் குமார் 0, நாராயண் ஜெகதீசன் 37 ரன்கள் எடுத்து ஆட்டமிழந்தனர். பிரதோஷ் ரஞ்சன் பால் 37, பாபா இந்திரஜித் 9 ரன்கள் சேர்த்து ஆட்டமிழக்காமல் உள்ளனர். அவ்னீஷ் சுதா, தேவேந்திர சிங் போரா ஆகியோர் தலா ஒரு விக்கெட் வீழ்த்தினர். 49 ரன்கள் பின்தங்கிய நிலையில் இன்று 2-ம் நாள் ஆட்டத்தை தமிழக அணி தொடர்ந்து விளையாடவுள்ளது.