சண்டிகர்: மேற்கு இந்தியத் தீவுகள் கிரிக்கெட் அணி இந்தியாவில் சுற்றுப்பயணம் செய்து விளையாடி வருகிறது. இரு அணிகள் இடையிலான 3 ஒருநாள் போட்டிகள் கொண்ட தொடரில் திருவனந்தபுரம் மற்றும் குவாஹாட்டியில் நடைபெற்ற முதல் இரு போட்டிகளிலும் தலா 8 விக்கெட்கள் வித்தியாசத்தில் வெற்றி பெற்ற இந்திய அணி தொடரை 2-0 என்ற கணக்கில் கைப்பற்றியது.
இதில் குவாஹாட்டி போட்டியில் 406 ரன்கள் இலக்கை விரட்டி இந்திய அணி சாதனை படைத்திருந்தது. அந்த ஆட்டத்தில் இரட்டை சதம் விளாசிய ஷுப்மன் கில் மற்றும் சதம் விளாசிய ரோஹித் சர்மா ஆகியோரிடம் இருந்து மேலும் ஒரு சிறந்த மட்டை வீச்சு வெளிப்படக்கூடும்.
இந்திய அணி தொடரை முழுமையாக கைப்பற்றும் முனைப்பில் உள்ள நிலையில் மேற்கு இந்தியத் தீவுகள் அணி ஆறுதல் வெற்றியை பெற முயற்சி செய்யக்கூடும்.